The Francesco

营业中

休息中

大角咀有好多小店有好嘢食。今次过咗嚟食意大利菜~~~佢其实都系大角咀个两条食街到，行入少少就见到。我地5个人叫左5个菜式蒜蓉炒蘑菇有鲜冬菇，杏鲍菇，白玉菇。蒜蓉炒得好香同埋畀我想像中份量，多食极都仲有，好抵食当然唔少得叫个薄饼~~水牛芝士意大利薄饼（超级推荐）佢个薄饼真系好好食，因为上碟嘅时候见到咁多，我仲谂食唔食得晒，结果好食到系想encore！佢个饼底系正宗用个炉烧出嚟有少少脆得嚟有面包质感嘅咬口 。蕃茄酱酸度啱啱好同个水牛芝士好夹，所以呢每一啖呢都令到你唔会觉得好漏，但系呢又会好享受食佢𠮶个薄饼味道。卡邦尼意粉正常发挥。忌廉汁系好味既，又啱啱好挂到啲面条，佢仲加咗好多配菜令到个意粉个层次丰富。意大利牛肝菌烩饭牛肝菌本身就已经好香，所以成个饭出嚟就已经又好食又香口。有时好怕呢啲意大利饭加咗忌廉汁会好肥腻，但系呢个完全冇，所以可以放心食得几啖。烤春鸡想啲嘅时候系好惊讶咁大碟。佢一只春鸡仲配有沙律菜，薯条同埋cherry tomato。有时好怕春鸡冇咩味，不过佢呢个春鸡本身腌得够味嘅。伴碟嘅沙律菜都劲新鲜同埋份量好多。唔会系𠮶啲摆喺隔离你唔想食𠮶啲伴碟。