海灣茶居 (已結業)

今日同朋友去咗海湾茶居食晚饭，真系唔错～未入到去见到餐牌都好吸引，入到去都好有惊喜🤩店内环境好干净，餐具同茶壶都好靓，我地坐咗系比较靠窗嘅位置，可以睇街景之余旁边仲有霓虹灯打卡位，食野之余不妨打番张卡🥰至于茶就有普洱同铁观音可以拣，虽然选择比较少但有茶包pack住，唔会好似平时茶楼咁饮到茶叶，我地拣咗铁观音都好香😍至于食物方面，我地叫咗沙姜鸡套餐，同埋三款点心✨沙姜鸡好滑，而且好入味，啖啖肉配白饭一流😋 白饭好大碗，两个人食都好够👍点心就叫咗叉烧包，鲜竹卷同菜苗饺，都好有水准！叉烧包咸甜适中，包都好松软～鲜竹卷系蚝油汁，但比起出面嘅鲜竹卷淡口一啲，唔会太咸够晒健康。馅都好足料，咬落去好满足👍最后系菜苗饺，入面有虾仁同菜，皮薄烟韧，馅都好充足！职员都好友善，收碟嘅速度都好快，唔会堆到一枱都系碟👍总括而言真系唔错，下次有机会再经过呢头会再黎😋#海湾茶居 #香港美食 #香港茶楼 #旺角美食 #香港探店 #港式茶楼 #香港酒楼