二世祖

营业中

休息中

之前放工想Walk in去食，点知太多人了，所以今次一早订咗位，去到就入得啦～我哋叫咗一份原只软壳蟹龙虾汁蟹肉海鲜意大利饭，软壳蟹炸得岩岩好，酥脆香口，而意大利饭每一啖都充满龙虾汁，配埋蟹肉好鲜味呀～菠菜忌廉芝士云吞配芦笋嘅酱汁好creamy， 每粒入边呢都包左好丰富嘅芝士馅，食嘅时候仲有少少芝士浆涌出嚟，非常惹味，加埋芦笋同红萝卜粒，口感丰富。睇到餐牌见到有心太软，就试下佢哋嘅抹茶心太软配海盐味雪糕。心太软外脆内软，睇住抹茶酱涌出嚟，流心程度100分，而蓝色海盐味雪糕加埋两只眼睛好得意呢，卖相已经好吸引，最重要系食落唔会过甜，yumyum！😍 最后仲有佢哋嘅二世祖特浓朱古力，平时出面饮嘅朱古力好多都系好甜，而二世祖呢杯「特浓」朱古力，饮落香浓得嚟又唔会甜，而且一樽嘅份量都算多，可以两个人share 呢！