喜聚坊

营业中

休息中

大角咀入边有唔少食肆，而今日就拣咗呢间粤菜同川菜嘅餐馆食午餐。午餐黎讲选择几多，款款都好吸引，最后拣咗黯然销魂饭同埋葱油流心蛋煎鸡扒饭。跟餐附送嘅汤系药膳汤，个汤有浓浓嘅药膳味，非常之足料，碗汤捞得出北芪同埋党参，滋补下个人就啱晒啦。葱油流心蛋煎鸡扒饭食得出佢煮之前特登整平块鸡扒，令到佢煎得更加香脆。伴碟有葱油同平时少见嘅菜甫，呢两样都送饭胃口大增。黯然销魂饭首先讲个叉烧，呢度虽然系瘦叉，但咬落去好淋易入口，绝对冇鞋口嘅感觉，味道亦都很好。另外不得不提佢嘅豉油，入口鲜甜，问个老细先知原来加左大地鱼入去，怪唔知得咁好食，豉油捞匀落啲饭度简直一流！呢间餐厅嘅奶茶同柠茶嘅茶闻落有花香味，都几特别。