影片
更多
2022-05-09
552 浏览
早两星期终于可以夜晚出街食饭，好耐冇去打边炉嘅我哋紧系要烚番场先啦。约咗去地方四正嘅川流食喱餐，放题点心就食过打边炉唔知正唔正呢！坐底餐厅即刻送嚟两样免费嘅特饮，喱杯系麻辣荔枝乌龙入落去系乌龙茶味，隔一阵有啲啲辣喺喉咙顶道渗出嚟好顶瘾。另一杯系茉莉花香橙蜜桃，喱杯好清新有初恋嘅感觉。第一次见喱个好似条桥嘅酱料架，入面摆咗好多种唔同嘅酱料，自己拣钟意嘅好似生蒜、沙嗲酱、麻酱呢啲唔辣嘅就啱晒我。除咗酱料之外仲有四款餐食泡菜、麻辣爆谷、毛豆同埋花生好啱用嚟送酒。老婆大人每次嚟都要食喱道嘅家乡烟熏腊肉胡椒饼，今日一试果然出色𠮶朕胡椒香味真系好正。仲叫多两样凉菜食住等𠮶锅，蒜泥白肉用咗本地黑毛豚嚟整食落又几鬼滑㖞，蒜香汁甜甜香香唔会好辣我都食到。喱碟系自家制北川凉粉夏天食真系爽爆，麻辣汁都唔算劲辣我食面头𠮶啲都顶得顺。大家都钟意食鸡整番个三十三香辣火焰醉鸡锅叹吓先，嚟到嘅时候再倒入玫瑰露即刻成间房都香晒，如果唔想要玫瑰露其实仲有干邑、冧酒可以拣，喱只醉鸡好够味仲好滑嘟嘟不过都几辣好惹味。而打边炉我哋拣咗个鸳鸯汤底酸菜鱼锅配真菌番茄豆腐浓汤锅，真菌番茄豆腐浓汤锅够香甜渌菜同海鲜食就最正。酸菜鱼锅汤
约咗去地方四正嘅川流食喱餐，放题点心就食过打边炉唔知正唔正呢！
坐底餐厅即刻送嚟两样免费嘅特饮，喱杯系麻辣荔枝乌龙入落去系乌龙茶味，隔一阵有啲啲辣喺喉咙顶道渗出嚟好顶瘾。
另一杯系茉莉花香橙蜜桃，喱杯好清新有初恋嘅感觉。
第一次见喱个好似条桥嘅酱料架，入面摆咗好多种唔同嘅酱料，自己拣钟意嘅好似生蒜、沙嗲酱、麻酱呢啲唔辣嘅就啱晒我。
除咗酱料之外仲有四款餐食泡菜、麻辣爆谷、毛豆同埋花生好啱用嚟送酒。
老婆大人每次嚟都要食喱道嘅家乡烟熏腊肉胡椒饼，今日一试果然出色𠮶朕胡椒香味真系好正。
仲叫多两样凉菜食住等𠮶锅，蒜泥白肉用咗本地黑毛豚嚟整食落又几鬼滑㖞，蒜香汁甜甜香香唔会好辣我都食到。
喱碟系自家制北川凉粉夏天食真系爽爆，麻辣汁都唔算劲辣我食面头𠮶啲都顶得顺。
大家都钟意食鸡整番个三十三香辣火焰醉鸡锅叹吓先，嚟到嘅时候再倒入玫瑰露即刻成间房都香晒，如果唔想要玫瑰露其实仲有干邑、冧酒可以拣，喱只醉鸡好够味仲好滑嘟嘟不过都几辣好惹味。
而打边炉我哋拣咗个鸳鸯汤底酸菜鱼锅配真菌番茄豆腐浓汤锅，真菌番茄豆腐浓汤锅够香甜渌菜同海鲜食就最正。
酸菜鱼锅汤底味道系醇香嘅碟鱼片都好新鲜，我哋仲叫多碟白鳝嚟食喱个锅添。
海鲜仲嗌咗大大只蛏子皇轻轻一拖就食得，质地好鬼爽脆仲劲鲜甜冇嗌错呀。
松茸野菌福袋面头会吸晒汤底嘅味道，所以放入菌番茄豆腐浓汤就最啱key喇。
千张真系要食麻辣先对口，不过我唔辣得放酸菜鱼锅都唔错。
什丸拼盘入面有筋弹牙牛丸、芝士包心丸月同埋香菇贡丸，我就食咗筋弹牙牛丸掂㖞劲有咬口仲好有牛味添。
到牛迷最期待嘅时候嗌咗个牛魔王拼盘贪佢样样有啲，有A5和牛、雪花肥牛、手切牛肉同埋牛颈脊，咁多款嘅牛肉质素都相当唔错我就最钟意油花十足嘅A5和牛喇。
饱肚嘢有韭菜猪肉饺同埋宽粉食完就饱晒劲满足。
最后先食菜虽然唔健康不过我觉得最好食，喱个什锦菜篮有好多种菜喺入面选择多多好正㗎，食饱饱同老婆大人拍拖搭叮叮去中环转车回家。
川流
电话：31266633
地址：湾仔太和街28号湾仔荟贤居地舖
张贴
