呢間韓式大排檔已經係我第二次嚟，
就係鍾意呢種豪邁輕鬆嘅氛圍😍
今次就食左啲上次無食過嘅嘢，
「韓式鰻魚飯卷」
紫菜包飯總是對我嚟講有一種魔力，
今日食嘅包飯雖然少咗一陣麻油香，反而被鰻魚汁喚醒味蕾，
呢個鰻魚汁顛覆咗我一般嘅睇法‼️
令呢個飯卷增色不少😋
「人蔘雞湯」
食完碗人蔘雞湯，個人即刻精神哂，
人蔘味非常足料，呢個湯真係必飲❤️
「泡菜海鮮炒粉絲」
有勁多海鮮，青口、海蝦、八爪魚、帶子，
不過泡菜味略嫌削弱咗啲，味道偏淡，
其實係職員知道我剛剛腸胃炎好返，所以幫我減左辣度‼️
呢個舉動實在好貼心😍
「椰漿柚子年糕」
椰漿飯平時就食得多，
用椰漿配年糕，真係好有新鮮感，
味道出奇地夾，creamy帶椰香，再有清新嘅柚子汁，
食落唔會好膩👍🏻
