新竹源越南餐廳

营业中

休息中

人日快乐，同妈咪食晏昼庆祝人日，去左食平时晏昼排长龙既餐厅，因为阿妈早十五分钟去排队攞位先，我一点去到门口已经企满人。入到去咁岩有二人卡位，正，见隔离枱有碗成个水盆咁大既牛肉粉，就问待应系咩黎，佢话系火车头汤河(二人份)，我地见咁大碗咁夸张就叫左衣个喇。等左五分钟就有得食，个碗大到好似面盆咁，打卡一流。佢啲料都算多，又有香叶放面，饮落去个汤好甜好清。啲生牛肉又滑，牛丸好重牛味，牛柏叶又够爽。两个人食到揽住个肚先食得晒，好抵食。