EXP

营业中

休息中

不嬲都知呢间好多人食同埋长期要拎飞排队，所以拣咗平日嚟呢度试一试。终于明白点解咁多人钟意嚟呢度食啦，首先餐厅里面嘅环境亦都系相当之舒适啦楼底够高冇压迫咁，而且可以拣座位对住溜冰场食饭都系赏心乐事，而且又一城个商场够晒大行到攰左之后再落嚟食非常之好。我哋叫咗墨鱼汁意粉不过预咗食到成个咀都好污糟，够晒麦鱼汁嘅味道但系又唔会腥份量亦都好多可以两份share食，跟住叫咗一份Pizza ,系有别于传统嘅圆形Pizza因为佢系长方形嘅，亦都系新鲜滚热辣啱啱焗出嚟，系必点嘅Pizza。可惜太饱食唔到甜品，所以叫咗小食蜜糖鸡翼，应该有煎过个鸡翼表面所以好够甜又够脆，鸡翼亦都好入味，推荐大家经过九龙塘都食呢间。