鮮薈海鮮吧 (已結業)

上次嚟系为咗买欧洲大闸蟹，今日同事叫我揾地方食午饭，当然要用OR 揾啦。Search之下见有人提及呢度嘅午餐不俗，所以又再次由中环行到嚟上环食lunch.我哋安排上咗2楼半露天地方食lunch, 一行8人坐长枱。佢哋嘅餐牌有日式，有西式，当然唔少得有蟹。每个餐都有汤有沙律有面包，而且摆碟好靓。好，开始介绍：餐汤跟沙律用上瓷砖做嘅碟嚟上，好精致，未食已觉好吸引。同事叫咗三文鱼意粉，同样精致，虽然睇落好似好细碟，但食落原来好够份量，而且好好食，唔漏，个汁酱跟三文鱼好夹。另外同事叫了炸鸡扒饭，鸡扒炸得香口，但唔过火，仲有肉汁，而且鸡扒大大块，正！至于我就叫咗明太子饭团配鱼生，多得同事贡献，我哋饭团生色不少. 明太子饭团好好食，鱼生好新鲜，可惜个wasabi 差咗啲，冇咩味。全场重点系蟹怪叫嘅蟹粥，$128用上2只欧洲大闸蟹，都几大碗，同事盛赞好甜好好味，仲有好多膏，抵食。整体同事大赞，摆碟靓，口味好，价钱唔贵，只可惜半开放露天地方较闷焗，如果改善下会再好啲！