富臨酒家 (燒鵝大王) (已結業)

秋意渐浓 ﹐又系食大闸蟹的季节！食一、两只点会够喉，决定叫咗个大闸蟹放题餐，食足2小时，都系$498/位，而且仲有不少特式小菜可以仼食。大闸蟹size系拳头咁大，蟹膏香甜，金黄色，口感滑溜，几新鲜，有三种煮法，清蒸、油盐焗和花雕蒸，不怕食到闷～仲送4款定食：金汤小米烩燕窝、蟹粉扒豆苗、蚝皇原只鲍鱼和回味榄角骨。有矜贵进补、有惹味香浓的菜式。以下菜式，全部无限追加：🔸小食凉菜🔸沙姜猪手凉拌高山耳萝卜渍物手拍青瓜泡椒凤爪最钟意系沙姜猪手，皮爽入味，凉凉地。泡椒凤爪辣辣地，越食越过瘾。🔸主食🔸虾球汤伊面上海菜肉包腊味糯米饭流心奶香脆卷北京填鸭最钟意腊味糯米饭，烟韧干身，多配料炒得够香。点心菜肉包都不错，唔想食太饱，可以食包点。食到有啲口干，就叫多碗汤伊面，相对清淡简单一点。🔸甜品🔸养颜红枣糕杞子桂花糕驱寒姜茶香芒布甸食完大闸蟹比较寒凉嘅食物，当然要杯姜茶帮助驱寒解毒。所有甜品清新少甜，大众化，人人都难以抗拒！