鴻星中菜 (MOKO新世紀廣場)

营业中

休息中

又到咗食大闸蟹的好时节，我同啲朋友当然唔会错过啦。今次见到鸿星的大闸蟹宴唔使4百蚊，8点30之后仲有折打，咁唔使拣，一定系呢个。大闸蟹宴包括咗2只蟹公同1只蟹毑，我就钟意毑多啲，因为啲膏实啲。食蟹要留意，唔好食个心，中医话好寒架，最好就饮番啲姜茶。食呢个蟹宴仲要留意的系，唔好比个伙计太快帮你入单要下一轮蟹，因为你未食完佢就会上架啦。我地系开始食个蟹身的时候入单，刚刚食到蟹脚下一轮就来，个温度就会啱啱好。今次鸿星的大闸蟹都好大只下，啲膏好多，好甜，一路食啲膏一路流出来，正！食完蟹，佢地就预备咗姜茶，一人一杯，但系我地真系好钟意个姜茶，因为好甜好好味，忍唔住问佢攞咗成壶，大家饮得好开心好似人地追酒饮咁。个餐仲有其他菜的，有蟹粉小龙包，个包有好多汤系入面，啲汤真系好甜，但系食果时真系要好小心，唔系就会荡到。另外果啲小菜系成日有机会食到的，所以就无乜特别。