瀛豐放題料理專門店 (已搬遷) 新店位置

放题成日都食，大闸蟹放题就一定系期间限定，唔系成日有。今日同朋友嚟食放题，梗系主打大闸蟹！写住大约三両半至四両，但比想象中更大，几重手。 望落干净，鲜香味十足，多膏，蟹肉又甜，任点任食，抵赞！要快手拆快口食~~食完蟹记住要饮姜茶㖞。海胆火焰带子卖相一流，带子好大只，将鲜甜嫩滑嘅海胆包住一齐食，食起嚟口感有带子嘅韧性同嫩滑。 不过就见唔到有火焰呀！即开生蚝非常新鲜，蚝身肥大又厚身，好肥美。 加上少少柠檬汁，更加能将蚝嘅鲜甜味带出。刺身盘非常非常非常丰盛，并唔系一般随意拼凑而成，有三文鱼、八爪鱼、珍宝赤虾、鲍片、象拔蚌、马刀贝‥‥‥每种刺身都份量十足，几鲜甜。泰式烧元贝系好大只，配埋特调酱料，够晒惹味！烧菠萝鲜黄色，未食都知成熟香甜，开胃之选。香茜三文鱼汤同冬阴公虾汤都系热辣辣，食咗好多冻刺身，饮碗热汤真系正！飞天炒通菜爽口惹味，推介！最后食埋雪糕雪条同甜品，好丰富嘅一餐。