海逸軒 (已結業)

食完包包后，就行过黎食主菜!每人一个大闸蟹餐。一口蒜片牛柳粒，蒜香不会盖过牛肉既味道，而牛肉也够稔，几好!鲍鱼丝豆腐羹，师傅手艺不错!将既散既豆腐切丝，同鲍鱼丝既口感形成对比，都不错。大闸蟹，打开后膏不算很多，但十分香口，蟹肉只是配角，可有可无。太雕文昌鸡，用个煲上，半只既份量几多，但很普通，抵赞既系用煲上，热力keep到。糖酒玉兰䓕，炒芥兰，冇咩调味，食剩半碟。姜茶汤圆，驱寒之作，姜汤都饮晒。八年陈酿太雕十六，本人不是品酒之人，特别系呢d古酒，感觉有d似黑醋味，同蟹几夹，但不太接受到，所以饮左几杯停左。半个月前既一餐，已经冇咩印象，可能因为呢餐吸引力唔够。但环境高雅，加上闲日，人数唔多，2个人食左餐差唔多三小时既晚餐，聚聚旧同讲下近况，都唔会比人打扰，是晚欣赏之处也!用coupon后一人免费。