利寶閣 (已結業)

正日庆生饭，好好好姊妹夫妇提议大闸蟹吃到饱，一坐底就有炖汤，目测有一小旧似打边炉𠮶种花胶筒同一旧响螺嘅物体，不过太热摆埋一边先，唔好阻住我队蟹⋯⋯除咗汤，仲有每人一只鲍鱼同醉大闸蟹，片皮鸭都系任食，不过一出炉就好快俾人攞哂，鸭烤得皮脆，有提供热辣辣嘅簿粉皮包住食，食食吓贪方便，索性就咁夹葱醮酱食就算，又要食蟹、又要一眼关七留意厨房出鸭、又要戴口罩出去拎，成晚就系好忙蟹有三种煮法拣：清蒸、盐焗、花雕，我哋三个比较爱清蒸，咁至食到原味道嘛。呢头柯打，好快上枱但食食吓又想食吓新意思，因平时屋企少食到另外两个煮法，盐油焗响蟹膏嘅甘香中带点咸香，值得一试，可惜当中有三只唔新鲜一阵餲味另外有糯米饭、姜茶、甜品、任饮任食，不过顾住拆蟹食蟹都无品尝，只饮咗碗姜茶。埋单前点咗嘅蟹，明明已送到枱边，但一做俾钱嘅动作就收番入厨房喇