影片
更多
2022-11-02
60 浏览
📌 等等HEA - 九龙城福佬村道41号地下🗓(1/11) 星期二 ⏰ 晚上7:30左右 💈特式：去到秋冬季节，又到大闸蟹收成期，咁梗系要去食返餐大闸蟹啦，但大家都知食蟹都几麻烦，所以好多人都会选择外出食，出面食餐蟹都唔平，所以选择有得任食大闸蟹嘅地方就最醒目啦。🥩🍔🌭🌮🥗🥯🥘🍲🍝🍣🥟🍤🍱食物：系Openrice见到呢间舖做紧优惠 ，特价最平$548可以88分钟任食约4両-5両大闸蟹公＋约3両半蟹乸，或$688任食约5両-6両大闸蟹公＋约4両蟹乸，另外仲有其他食物/饮品任饮任食，虽然时间就紧张d，但都等我同大家讲下d蟹味道先。食物除左大闸蟹🦀外，仲可以任食蟹粉水饺🥟；生滚大闸蟹粥；蟹油香辣鸡煲🍲；台式肠蟹粉糯米饭；蟹粉澎湖花枝丸；蟹粉爆汁贡丸；一口麻辣鸭血；万华街蚵仔卤肉饭；阿宗面线；士林盐酥鸡粒；蟹粉卤肉时菜；厚烧鳗鱼。大闸蟹🦀 - 虽然拣左中size 5両-6両大闸蟹公，但上枱一d都唔似有咁重両数，但蟹系新鲜嘅，起码唔系死蟹，但始终时间太赶，食得好急，有d手忙脚乱嘅感觉。其他食物 - 叫左两款丸，鸭血，盐酥鸡粒同大闸蟹粥：丸类就系正常急冻丸再加左少少蟹膏系面；鸭血
🗓(1/11) 星期二 ⏰ 晚上7:30左右
💈特式：去到秋冬季节，又到大闸蟹收成期，咁梗系要去食返餐大闸蟹啦，但大家都知食蟹都几麻烦，所以好多人都会选择外出食，出面食餐蟹都唔平，所以选择有得任食大闸蟹嘅地方就最醒目啦。
🥩🍔🌭🌮🥗🥯🥘🍲🍝🍣🥟🍤🍱
食物：系Openrice见到呢间舖做紧优惠 ，特价最平$548可以88分钟任食约4両-5両大闸蟹公＋约3両半蟹乸，或$688任食约5両-6両大闸蟹公＋约4両蟹乸，另外仲有其他食物/饮品任饮任食，虽然时间就紧张d，但都等我同大家讲下d蟹味道先。
食物除左大闸蟹🦀外，仲可以任食蟹粉水饺🥟；生滚大闸蟹粥；蟹油香辣鸡煲🍲；台式肠蟹粉糯米饭；蟹粉澎湖花枝丸；蟹粉爆汁贡丸；一口麻辣鸭血；万华街蚵仔卤肉饭；阿宗面线；士林盐酥鸡粒；蟹粉卤肉时菜；厚烧鳗鱼。
大闸蟹🦀 - 虽然拣左中size 5両-6両大闸蟹公，但上枱一d都唔似有咁重両数，但蟹系新鲜嘅，起码唔系死蟹，但始终时间太赶，食得好急，有d手忙脚乱嘅感觉。
其他食物 - 叫左两款丸，鸭血，盐酥鸡粒同大闸蟹粥：丸类就系正常急冻丸再加左少少蟹膏系面；鸭血就正正常常无乜特别；盐酥鸡粒就好麻麻，又唔脆，又无乜味；个大闸蟹粥先过引，上枱到我走都无人比过餐具我地食粥，之前个d小食我地都仲可以用手攞，但蟹粥真系唔知点食。
甜品 - 甜品有两款包括196手工姜茶芋圆；196手工芋圆豆腐花，唔想讲，只系建议大家唔洗试亦都唔好去试。
☕️🍵🥤🧋🍺🍷🥃🍹🧉🍾🍶🥛
饮品 - 任饮饮品有黑糖珍珠系列；芝士奶盖；罐装汽水任饮，另外加钱仲可以饮花雕酒同啤酒，不过食蟹饮啤酒惊会太凉，所以就无加了，我地只系试左冬瓜茶同罐装汽水，冬瓜茶都正正常常嘅。
🍽环境：餐厅环境似系一间普通西餐厅咁，有4~5张4人枱同两排卡位，餐厅坐位本身都松动，但如果食蟹就显得有少少迫，坐得都辛苦，卫生程度都ok，正正常常咁。
🤵🏻🤵🏻♀️🤵🏻♂️服务：职员服务态度都唔错，不过只可食88分钟真系有d赶，我见到其他枱有漏单/比客催单嘅情况，但好彩我地就无遇到，refill蟹都系2~3分钟内就会上到，速度都算快。
💰💸价钱：计埋加一埋单大约$650一个人，都唔算贵但又唔算太抵食，以出面佢地呢d size一只大闸蟹卖$100左右，食到6~7只就可以回本，再食就有赚，不过都系个句，88分钟真系有d赶，所以要食快d先抵。
🐲💬总结：我觉得以呢个价钱，食一餐靓自助餐都够，会多d食物种类拣，同埋坐得/食得舒服d，唔会咁赶，但今年仲未食大闸蟹所以点都要食返次，如果大家系拆蟹高手，食得快，都可以推介大家过嚟试下。
推荐指数：❤️❤️❤️🤍🤍
张贴
