上海新大眾大閘蟹專門店

营业中

休息中

又到左食大闸蟹嘅季节，冇10只都唔停手嘅我知道黄大仙附近有大闸蟹放题就马上去试试。呢个放题系75分钟任食， 包你抱住个肚离开。餐厅地方都几大，不过重点当然系大闸蟹啦。大闸蟹都唔细只，每次八只八只咁order，见到佢哋一桶桶肥美嘅蟹，我忍唔住了！以为系放题就一定比啲次货，点知每只蟹一打开，啲蟹膏都非常多，而且色泽鲜明食落又鲜甜，正！另外仲有蟹粥，离开座位出去食烟嘅时候见到有个阿姐不停咁样拆开啲蟹肉同蟹膏，唔怪得知个蟹粥咁甜，原来落重料。蟹肉饺子，蟹味都相当重，钟意食饺子嘅人一定要试吓。蟹肉腊味饭，配合啲蟹膏一齐食食一流。另外佢仲有汽水果汁任饮，更加唔少得怕食得多寒凉嘅人必备嘅姜茶任添。我个人觉得自己买蟹都差唔多百几蚊一只，呢度我total食咗十几只，真系十分抵食。