等等HEA

营业中

休息中

大闸蟹当造，平时都系买返屋企，今次见到九龙城呢家原本系台湾菜嘅餐厅做大闸蟹放题套餐满座，就决定试下！价钱由$468-$898不等，视乎食几多两嘅蟹，我哋就选择咗4－5两嘅餐，包含4－5两蟹公+3两半蟹乸～餐厅面积唔大，限咗每枱只有88分钟，放题嚟讲其实都好赶，不过因为真系好多人所以都理解嘅！坐低后即刻叫定几只蟹，主要都系嚟食蟹膏，蟹公嘅膏就硬身啲，蟹乸就软糯鲜甜，个人比较钟情蟹乸，所以之后叫嘅全部都系乸。另外仲有辣蟹可以叫，呢款非常惹味，好够镬气！黑椒味香，炒蟹热辣辣，食落反而冇咁腻！除咗蒸蟹同炒蟹外，仲有其他蟹粉小食选择。生滚大闸蟹粥，1客会系1小碗，食落味道偏甜，粥底绵密，蟹肉相对较少。蟹粉水饺，汤底带点药材味道。饮品方面，种类同选择都算多，奶盖四季春、红枣茶、黑糖姜母茶等。加单唔使等好耐，等一阵就有热辣辣嘅蒸蟹送到，最后我哋2人总共食咗13只蟹，以放题价钱来讲，都算回咗本～最后饮番3杯姜茶先走。