香港華商銀行公會

营业中

休息中

环境4分：会所中式酒楼格局，两条友都可以坐四人圆枱，D位隔得又够开，非常之舒服，可以畀四分。卫生5分：餐枱舖晒白色枱布，环境卫生，有齐晒手套同工具食蟹，非常之干净，满分。服务5分：服务员年纪可能大，但非常专业，D𩠌续样上，成日不停加茶加水同换碟，畀硬满分！味道5分：1)      前菜拼盘入面个黄金蟹粉百花球炸到脆卜卜，好松软嘅虾球，入边酿左Ｄ蟹粉，非常好食，一流。2)      蟹粉脆春卷同样做到脆卜卜，一Ｄ都唔油腻，同样食得到入面Ｄ蟹粉。3)      蜂蜜酸子姜Ｄ蜜糖令到酸子姜淡化左酸味同辣味，加添一份甜味。4)      清蒸大闸蟹一反转发现系蟹公，就急不及待剪晒D脚同钳，然后打开个蟹盖，整走唔食嘅部分，趁热食晒D膏，足足有五两重，食落非常满足。5)      生拆蟹肉金瓜汤系用南瓜嚟煲，再加上鲜甜蟹肉，饮落非常清甜。6)      桂花蟹肉生菜包入面有蟹肉，蛋丝，笋丝，冬菇丝等等，包响生菜入面食，好爽甜同鲜甜，全部嘢都非常之夹。7)      焗酿生拆蟹盖，大大个蟹盖呈现眼前，用处理好嘅洋葱同蟹肉放响入面，然后上面铺上芝士焗，非常香口，个份量都好足，蟹肉都多。8)