回味館 (已結業)

跟老友记打完波落九龙城食饭。响呢头差唔多度度都食匀，反而未试过呢度...一入到去，地方细细，侍应皆操浓烈大陆口音嘅广东话，枱上又有盒大陆牌子皆tissue，真系有D以为返咗内地咁...一望菜牌，除咗有主打嘅川菜外，其他都以广东小菜为主。就每样都试吓la..先叫个麻辣天梯，好爽口，但只一味辣，但却不麻，有D失望...蜜椒风蟮 --- 甜甜哋辣辣哋，相当惹味；汁完全嗦晒落D蟮度；蟮相当新鲜，弄得连皮都微脆口，确实不俗..吃出个瘾来，再嚟一个盐烧羊架。羊架大大枝，份量十足，可惜弄得太干身，膻味亦不够，冇乜兴趣。自己反而不断夹𠮶D炸蒜粒嚟食...金蚝崧生菜包--- 金蚝非常之惹味，配合笋粒及肉粒而炒成；用生菜包住食，一浓一淡，配合得天衣无缝...南乳斋煲--- 普普通通。呢味就真系只有阿妈先煑得最好食..水准平均，可以一试ge...