Cafe Eos (已結業)

今个星期为左mimosa过左黎天后,本来想试poppy,但行过见到呢间EOS 都几对眼,就近近地试呢间。呢间cafe其实几靓,但地方的确好细,台椅真系好迫,唔算系一个好hea地点;幸好我早少少到仍可以坐到一张四人台,至可以舒服地吃个自闭饭。waitress小姐比左几张餐牌我睇,除左tea set仲有pasta同饭,今次拣左蕃茄蚬肉意粉+冻咖啡。waitress小姐拎左碗汤同蒜蓉包比我,我至知原来呢个系餐=p南瓜汤: 饮到南瓜茸,味道几好,好滑但唔够热!蒜蓉包: 蒜蓉味唔太浓,食完唔会好大阵味,不过几油同带un,呢样唔多得,胜在够大块。冻咖啡: 味道一般,唔算好饮,普通。蕃茄蚬肉意粉: 造型好得,成碟出晒烟地上台!意粉弹牙,口感好正! 蚬肉好多,而且唔腥,可能加左白酒煮,因为我见厨师小姐行出黎拎左支白酒入去厨房开,加埋蕃茄蓉同鲜茄,真系好味!!好过上次delifrance好多......食食下发觉阵味好特别,原来系加左九层塔仲有香叶,唔怪得味道好特别!好味!!另外,可能系开放式厨房关系,油烟味都几利害,如果呢方面可以改善一下会更好。