火鳳凰火鍋料理 (已結業)

当日女朋友话去何文田食野，我心谂个头有咩野好食呀⋯⋯点知约左系旺角东站等，中谂紧又要转车，又唔知食咩野，之后先话行5分钟就到，中要打边炉，心谂旺角甘多要走到何文田问号？点知原来何文田系指隔左条火车轨，真系五分钟左右就到，上到去个场都几大，而且坐位都几阔落。睇左几个餐都唔知食咩好，几个都几好，又唔算好贵，最后叫左两个餐，又食牛，又食海鲜一次过满足两个愿望，个煲叫左个愉妃养生药膳醉鸡窝，药膳味劲重，又多料，搅到我当汤甘饮左三碗，鸡后上，质数很不错，之后马上见到待应拎住好大只牛，心谂冇甘订夸张嘛，点知真系我地个牛餐，无论食或者打卡都一流，但质数真系唔差，由于个汤太正，连酱料都冇去拎，之后上埋个海鲜，哗，就甘睇又系好唔错，食落又真系非常唔错，好新鲜，无论蚝，蛏子，虾等，正大满足，可以再encore