韓兄弟燒烤

营业中

休息中

可能今日好大雨，晚上7时左右，人流未算多，一入去系传统韩烧店的样子，圆形不锈钢枱以及电油桶椅，一贯韩风。店入面有几台电视播韩国歌，店主仲要系韩国人TIM!炉边蛋系自己落既，有埋芝士同粟米。先来前菜有6样，腌萝卜、腌青瓜、韩式泡菜、大豆芽、薯仔、菜。比目鱼生鱼拌饭 $88生鱼完全唔系会腥果d鱼，咬落几有嚼劲，有少少鱼鲜味，冻冻地，加上蟹籽，同拌饭，自己拌饭自己调辣度！$88又唔太贵，推介！辣八爪鱼 $98原只八爪鱼，大大只，咬落好爽口，口感丰富。因为腌制过辣辣地，烧完好爽口弹牙！特级猪颈肉$118肥肉较多，肉质嫩腍，一路烤一路出有油花，最好食最推介。食完真系肥几磅。特级猪柳 $98肉质较瘦、脂肪比较少，有点嚼口。成台都系野食....好饱!整体唔太贵，气氛有韩风，食完唔太油烟，略嫌位置有D难揾。