食道樂

营业中

休息中

今日冒住倾盆大雨去到红磡既美食街一尝地道既韩菜。崇洁街系红磡人最熟悉既系佢小店林立，一条街有韩国野、日本野、茶记、四川野、港式车仔面、火锅，乜都齐。唔知食咩行入去总可以揾到岩心水。今日心血来潮想食韩菜，就去左间由阿猪妈打理既韩国菜。店舖细细地，冇乜特别装潢，但就企企理理几干净。两个人今日叫左三款试试先。韩式酱烤排骨用铁板上既牛仔骨，可以保持住温度，我地慢慢一边倾计一边食都可以。有６块左右，每块size都算大，酱汁系偏甜，喜欢食甜甜地口味既可以试下。韩式猪排骨肉饺子大大粒炸饺子，有七粒咁多，新鲜炸起，外脆内多馅，推介！石锅烤牛肉粉丝我谂阿猪妈口味系偏甜，因为个汤都系好浓同甜，用来捞饭一流，牛肉份量都多。整体来说，食物既品质唔错，侍应既服务亦合格有余，值得大家黎品尝。