影片
更多
2010-09-06
2 浏览
旺角区人多车多，衬有事到旺角，但啱啱又遇上1号波下既滂沱大雨，为左我心中既老苔目，行几条街衫都湿晒！大雨下仍有客人响门口等位，不过唔算人多，暂时企响隔离个大厦门口避雨先。老苔目一直系我想试既菜式，源于细时住过柴湾徙置区 (则7层大厦)，后街有档狗仔粥，档主系人人都叫佢做九婶既女仕。狗仔粥入面既粉条系九婶亲手做，颜色同形状都似银针粉，两头尖中间肥，但可见粉身粗糙唔平滑，每条形状长短都各有参差，质地软绵。配上 Home Feel 既白色汤底、香脆既猪油渣同小许虾米碎，一碗清甜带香又饱肚既狗仔粥就成为街坊既美食。徙置区清拆后，再揾唔番狗仔粥，其后有人做过猪油渣面，但完全唔系果回事，事关九婶既粉条系精心炮制既，有著自家制特色，而老苔目既米粉条形状甚有九婶影子，又系自家制，所以一直被吸引著。终于轮到我地好开心，一共只有6张4人枱，两张2人枱，最初以为可以独占1枱，点知侍应话落大雨想轮候客人可以尽早入座，咁我地都好理解，但侍应见我地东西比较多，好快又帮我地转到一个自成一角既座位，真系正！ 老苔目：老苔目粉条系用米浆 "颜" 成，食落确实有米香，可见真材实料，用心制作。汤底食味温和，一d 都唔觉过咸
老苔目一直系我想试既菜式，源于细时住过柴湾徙置区 (则7层大厦)，后街有档狗仔粥，档主系人人都叫佢做九婶既女仕。狗仔粥入面既粉条系九婶亲手做，颜色同形状都似银针粉，两头尖中间肥，但可见粉身粗糙唔平滑，每条形状长短都各有参差，质地软绵。配上 Home Feel 既白色汤底、香脆既猪油渣同小许虾米碎，一碗清甜带香又饱肚既狗仔粥就成为街坊既美食。徙置区清拆后，再揾唔番狗仔粥，其后有人做过猪油渣面，但完全唔系果回事，事关九婶既粉条系精心炮制既，有著自家制特色，而老苔目既米粉条形状甚有九婶影子，又系自家制，所以一直被吸引著。
终于轮到我地好开心，一共只有6张4人枱，两张2人枱，最初以为可以独占1枱，点知侍应话落大雨想轮候客人可以尽早入座，咁我地都好理解，但侍应见我地东西比较多，好快又帮我地转到一个自成一角既座位，真系正！
老苔目：
老苔目粉条系用米浆 "颜" 成，食落确实有米香，可见真材实料，用心制作。汤底食味温和，一d 都唔觉过咸，与平凡既粉条淡淡然既风格极一致。而面则放左小许肉燥将各食材既香味钓出，但都系点到即止，丝毫无损纯朴既风味。老苔目响我心目中就好似台湾人既人情味一样，唔错！
老苔目与九婶既狗仔粥两者有著近似既地方，均同样散发所属地区既纯朴；但由于采用食材完全唔同，食味即各显特性，绝无因此而失望！
肉澡饭 (细碗)：
甜溜溜就系肉澡饭一向比我既感觉。由于侍应极力推介，所以先博一博！Umm.....果然与众不同，肉燥本身唔太甜兼带微酸，汁唔 "杰" 又唔浓，与白饭混合，食得舒服，好快就食清光！
卤水拼盆：
原本侍应介绍麻辣牛键，但见到好多食客都叫卤水拼盆，而拼盆内又有牛键，咪两者都可以试到。总括黎讲卤水味较淡亦无香味，只浅尝到一点点咸味同肉燥既酸味，与潮式多层次既卤水比较，可以话乏味，唔知咁系咪台湾卤水汁既特式？至于牛键除够 "淋" 且斋辣外，亦缺麻味及其他味道，有点失望！
牛肉面：
亦系好多食客既选择。可取之处在于粗粗既面条，口感丰富。而牛肉则与牛键味道相约，食味太单调，欠缺层次。而浓黑既汤底可见有花心机处理过，与卤水汁同样带微酸，但唔系我杯茶，个人较爱台湾牛爸爸既牛肉面。
地瓜杏仁奶：
一向比较钟意天然既食材，地瓜与杏仁够 Gimmick。 搅拌机一阵隆隆声后，饮品随即送上。杏仁味好香，但地瓜味就饮唔出。奶中有些粉粉状，可能系杏仁或地瓜碎，又唔会太腻，ok 㖞！
P.S.：侍应知我喜欢辣给我店里一种黑色既辣油，用筷子头点两下，舌头过10秒后，一阵抢喉既辣就占据著味蕾，仲辣过用墨西哥 Habanero 辣椒制既辣椒酱，跟著颈项至额头发热，呢种辣光系辣，并无其他食味，对我黎讲一d 都唔识欣赏。有兴趣挑战既朋友可以一试。
最值得一提系该店职员既服务态度，店舖虽小，但职员待客非常出色，表现友善、温文有礼、主动性强，比得起5星大酒店，真系喜出望外，一定要嘉许！
张贴
