影片
更多
2018-01-08
27 浏览
试左佢嘅柠檬辣虾。一上枱，未食，已经比佢外表吸引！虾头向入，尾部向出整齐咁排列，虾与虾之间夹杂着3-5个青柠角。虾背已预先被切开两边，食起黎好方便呀！细问下先知啲虾产自越南，叫罗氏虾，即系我地成日讲嘅瀬尿虾。虾食落好香口，睇到佢用左蒜，食食下又觉得辣辣地，原来加左紫天椒黎煮。辣味恰到好处，唔会辣到你食唔落，而系少少咁刺激你味蕾。青柠嘅酸带出虾嘅鲜，好食到停唔到口，忍唔住食完一只又一只呀！不知不觉食完，觉得唔够喉添！当我同朋友七嘴八舌咁讨论每人食左几多只虾嘅时候，店员忍唔住话我地知虾嘅数量唔系以只黎计算，而系安重量计算，一煲约有300g的虾。店员重指住门口嘅鱼缸，鱼缸有四层。上面两层系放最新鲜嘅虾，寻日嘅虾就放喺下面果层，最下层系用黎过滤嘅。每日就用新鲜嘅虾造菜。唔怪得啲虾咁好味令我食唔停口啦～欣赏老板对品质嘅坚持，令我地食客食得放心！我想介绍返北寄贝，我想讲我从来未食过熟嘅北寄贝，真系第一次喺呢一间店度食到。冇谂过原来可以咁鲜味，佢同蚬壳差唔多，不过里面就有鲜红色嘅肉，明显系笔记簿会嘅特征。肉够大够鲜甜，能将汤嘅味道吸取，可口非常。另一道用虾黎做菜嘅菜式有鲁肉鲜虾汤米。有一只虾，配菜有
我想介绍返北寄贝，我想讲我从来未食过熟嘅北寄贝，真系第一次喺呢一间店度食到。冇谂过原来可以咁鲜味，佢同蚬壳差唔多，不过里面就有鲜红色嘅肉，明显系笔记簿会嘅特征。肉够大够鲜甜，能将汤嘅味道吸取，可口非常。
另一道用虾黎做菜嘅菜式有鲁肉鲜虾汤米。有一只虾，配菜有两片腌制黄萝卜同几片莞茜，望落去绿黄橙三色色彩鲜明。米粉够腍，汤底够热，食落肚感觉好实在。
菜叫左羽衣甘蓝。其实唔知咩黎，纯粹比佢个名吸引，朋友都唔知系咩黎。当我地犹豫紧嗌唔嗌嘅时候，店员话羽衣甘蓝多数用黎做沙律，佢地就用黎炒。抱住好奇又钟意试新野嘅心，决定一试。羽衣甘蓝十分翠绿新鲜！入口试到牛油味，问店员系咪用左牛油黎炒，店员话系橄榄油，话用橄榄油健康啲，菜加埋杞子一齐炒，真系想话唔健康都唔得啦。牛油加上蒜黎炒，真系香到冇得再香！
南瓜雪糕产自日本，用上原个南瓜盛载住雪糕，入口试到浓浓嘅牛奶味，食多几啖就试到南瓜味。我同友人一人一啖，雪糕一入口就即刻再「北」过，个雪糕有几好味，相信唔使我多讲啦～最神奇嘅系食到最后，个雪糕一啲都冇溶嘅迹象！
张贴
