家嫂

营业中

休息中

今日 farewell 另一個同事，所以就嚟咗呢一間大家食餐飯！一開始係先食刺身跟住雞煲然後海鮮火鍋！鍾意大隻嘅朋友，真係不能夠錯過呢間餐廳！而且氣氛相當好我覺得！夜晚嚟講非常多人，如果下次嚟嘅時候記得book位！佢嘅海鮮非常新鮮，啱晒鍾意食海鮮嘅我，個人嚟講鍾意食佢嘅鮑魚，鮑魚非常大隻，而且嚟嘅時候仲係識得郁吓，真係非常新鮮！而且入口亦都非常好食，仲要係任點任食！佢嘅肉質非常厚身，所以亦都非常爽口彈牙，淨係食鮑魚都回本！雞煲就覺得有少少鹹，同出邊嗰啲冇乜太大分別，大家可以留力食多啲海鮮！貴妃蚌亦都非常鮮甜，亦都係任點任叫必食回本之一，我同朋友都叫多咗兩輪！