緣聚鮮鍋 (已結業)

天气一冻，就系会食好多嘢！今次就一次过食日式寿司、刺身放题，再加火锅自助餐，二百蚊嘅价钱可以满足唒以上所有要求，尤其系同老人家及细路仔去食，佢哋又唔食得几多，所以呢种自助晚餐真系最化算！选择有多，佢哋会食得特别开心。刺身款式算多，但系要排队自取。劲多啱小朋友食嘅寿司、卷物款式，仲可以自制手卷。熟悉款式都唔少，炸鸡烧卖、碗仔翅，街头小食一应俱全。佢嘅甜品区、饮品区好多款选择。婆婆饮咗好多果酒、阿公同我主攻啤酒，小朋友最开心，果汁汽水任饮。火锅配料自动手机点菜，最好食嘅牛肉、羊肉同贝壳类都唔错，其他在自助吧里取的蔬菜、菇菌类、丸类同面食都好多，根本完全试唔唒。食饱晒再食甜品同雪糕，虽然不是名牌雪糕，但胜在味道选择多，总有一款啱你口味。