影片
更多
2009-05-14
270 浏览
4月11日, 为庆祝复活节 (其实系为食…) 又因为太肚饿又想食大, 就去咗屋企附近的巴西烧烤的BBQ Lunch, $58位~ 对著维园泳池开扬景观食午餐, 感觉真写意!::: BBQ烧物类 :::先讲主打嘅烧烤类, lunch同dinner嘅款式大致相同, 而且选择颇多. 排名不分先后,有烧鸭胸, 烧鸡扒, 烧鸡翼, ,火鸡肾, 烧牛肉, 司华力肠, 烧猪肋骨, 烧鱿鱼筒, 鸡脾菇, 茄子同烧菠萝. 大部份都以蜜糖调味, 又可点烧汁或黑椒汁, 整体质素都不错~当中烧鸭胸, 嫩滑多汁, 好好味! 猪肋骨都好好味, 又香又甜~ 司华力肠同鸡脾菇都好味. 烧鸡翼好大只, 鸡肉够嫩, 不过鸡皮唔脆, 争d~ 烧牛肉太生, 红到出血水! 鱿鱼筒我地第一次见, 个味ok, 但有d韧. 茄子同烧菠萝今次就一般.最失望系冇粟米!!! 竟然冇晒~~~!! 哼.::: 沙律 + 热盘:::沙律款式都系咁上下, 不过放到出晒水… 不吃也罢. 可幸d菜都几新鲜, ok啦!其他热盘仲有10几款~ 有菜呀鱼香茄子呀咖哩炒饭炒粉个d. 仲有炖牛肉, 牛尾, 烧鸡, 火腿扒, 蜜汁排骨等等呢d满足无食BBQ b
::: BBQ烧物类 :::
先讲主打嘅烧烤类, lunch同dinner嘅款式大致相同, 而且选择颇多. 排名不分先后,有烧鸭胸, 烧鸡扒, 烧鸡翼, ,火鸡肾, 烧牛肉, 司华力肠, 烧猪肋骨, 烧鱿鱼筒, 鸡脾菇, 茄子同烧菠萝. 大部份都以蜜糖调味, 又可点烧汁或黑椒汁, 整体质素都不错~
当中烧鸭胸, 嫩滑多汁, 好好味! 猪肋骨都好好味, 又香又甜~ 司华力肠同鸡脾菇都好味. 烧鸡翼好大只, 鸡肉够嫩, 不过鸡皮唔脆, 争d~ 烧牛肉太生, 红到出血水! 鱿鱼筒我地第一次见, 个味ok, 但有d韧. 茄子同烧菠萝今次就一般.
最失望系冇粟米!!! 竟然冇晒~~~!! 哼.
::: 沙律 + 热盘:::
沙律款式都系咁上下, 不过放到出晒水… 不吃也罢. 可幸d菜都几新鲜, ok啦!
其他热盘仲有10几款~ 有菜呀鱼香茄子呀咖哩炒饭炒粉个d. 仲有炖牛肉, 牛尾, 烧鸡, 火腿扒, 蜜汁排骨等等呢d满足无食BBQ buffet嘅食肉兽. 不得不提令我印象深刻嘅肉酱镙丝粉, 真系好好味呀~ 好味到我食咗3 round! 热盘嚟讲算系进步咗好多!
::: 甜品 :::
仍然未敢再试巴西烧烤嘅擦胶味甜品~除咗cake仲有生果, 布甸, jelly, 糖水等甜食.不过我地食到3点几都已经冇晒大部份甜品又冇refill, 真系想食都冇得你食!
值得一提嘅雪糕~ 有4只味, 但4只味都几新, 同埋应该不时会转味. 因为我见到有好多厢唔同味嘅雪糕, 有云呢拿, 朱古力, 绿茶, 咖啡, 红豆, 芝麻, 曲奇, 香竽等等. 不过我地食时已经冇晒朱古力, 唯有食下红豆, 芝麻, 曲奇啦!
简单嚟讲, 食物种类同Dinner差唔多, 但Lunch Buffet系$100都唔洗, 每人送一杯饮品, 真系好抵食! 不过维园人流少d, 所以食物refill都少d, 而且大部份o靓仔waiter服务都只系ok, 叫佢开盒雪糕都唔肯, 呢d就要改啦!!
张贴
