磊犇 (已結業)

平时去港式西餐厅食劣质铁板牛就食得多，今次同一班兄弟食饭，就拣左呢间 #磊犇 试上佢地嘅石板牛有几特别。 我地叫咗三款牛扒， 包括喺西冷牛， 牛肩肉同磊牛扒。 我哋点完餐，揾咗一个角落坐低，就见到台上陈列著不同嘅调味料，有日式之麻酱、黑椒酱、日式烧汁以及基本的黑椒同海盐，顾客可以因应自己的喜好选择。 我个人就最喜爱黑椒酱，辣味够而带有少少甜味，我亦都留意到佢地嘅盐喺粉红色嘅海盐，真系落足本架！ 对于大食嘅朋友， 呢度简直系天堂，因为呢度真系例汤白饭任装，完全唔洗怕冇嘢送咁香嘅牛扒。 西冷牛扒相对较薄，边位有一条脂肪，肉质较软。 牛扒遇上高温个阵，将边位脂肪煎到甘香扑鼻。 至于牛肩肉本身比较厚身，肉质较有咀嚼感，亦冇西冷咁多脂肪，岩哂唔想食太油腻嘅食客选择。 而最后一种磊牛扒， 则是取中庸之道，脂肪跟肉比例平均。 如果怕肉太生嘅朋友唔洗担心，餐厅全部都系选用高温嘅石板作石板烧，保温比一般嘅铁板强好多，可以长时间帮你煎住块肉，若果怕太生嘅朋友可以将牛扒系石板上放耐d先再食。整体黎讲磊犇系一间很不错嘅石板牛餐厅，假若平时食嫌哂d旧色茶记铁板牛扒，真心推介一试！