影片
更多
2017-05-27
5903 浏览
IQ题：边度最啱大食王M佬同肉食王A姐开餐呢？当然就系任食放题啦！但放题嘅质素真系好参差，要求高高嘅A姐又点会求求其其揾间就算，左揾右揾，呢间属于BBQ7080旗下嘅平昌Premium应该唔错。话晒叫Premium应该系高级野（系呀！我A姐就系咁肤浅，如果间餐厅叫超好味就一定系超好味啦，如果唔系，我实闹佢㗎）！所以今日就去到佐敦平昌Premium食韩烧放题，咁就啱晒大食王M佬同食肉兽A姐啦！坐低先送上5款泡菜同1碗沙律，开吓胃先。晚餐烧烤，肉类选择有18款、海鲜类6款、蔬菜类4款，仲有13种韩式料理。如果想再Premium啲，仲有6款Top up嘅食材。好喇，胃部开动啦！저기요（系呀，呢度又系一个好多韩国人工作嘅地方）！肉类：第一round就当然系肉、肉同肉啦！牛肋骨肉好香肉味，够晒juicy。不过，唔好好似我哋咁，挂住影相就烧耐咗，咁就会好硬喇。牛脷厚切好有咬口，而我哋最爱嘅就系调味猪肉，因为真系腌得好入味呀。当然唔少得我最爱嘅鸡翼啦，不过，各位Fans，有无方法教我哋烧鸡翼呢？因为真系有啲难烧得熟呀！海鲜类：一次过叫生蚝、鱿鱼、帆立贝、虾同鳗鱼，真系食多两转都够回本啦！生蚝同帆立贝
但放题嘅质素真系好参差，要求高高嘅A姐又点会求求其其揾间就算，左揾右揾，呢间属于BBQ7080旗下嘅平昌Premium应该唔错。话晒叫Premium应该系高级野（系呀！我A姐就系咁肤浅，如果间餐厅叫超好味就一定系超好味啦，如果唔系，我实闹佢㗎）！
所以今日就去到佐敦平昌Premium食韩烧放题，咁就啱晒大食王M佬同食肉兽A姐啦！
坐低先送上5款泡菜同1碗沙律，开吓胃先。
泡菜
33 浏览
0 赞好
0 留言
晚餐烧烤，肉类选择有18款、海鲜类6款、蔬菜类4款，仲有13种韩式料理。如果想再Premium啲，仲有6款Top up嘅食材。好喇，胃部开动啦！저기요（系呀，呢度又系一个好多韩国人工作嘅地方）！
肉类：第一round就当然系肉、肉同肉啦！牛肋骨肉好香肉味，够晒juicy。不过，唔好好似我哋咁，挂住影相就烧耐咗，咁就会好硬喇。牛脷厚切好有咬口，而我哋最爱嘅就系调味猪肉，因为真系腌得好入味呀。当然唔少得我最爱嘅鸡翼啦，不过，各位Fans，有无方法教我哋烧鸡翼呢？因为真系有啲难烧得熟呀！
牛肋骨
17 浏览
0 赞好
0 留言
调味猪肉
15 浏览
0 赞好
0 留言
牛脷
15 浏览
0 赞好
0 留言
烧鸡翼
11 浏览
0 赞好
0 留言
海鲜类：一次过叫生蚝、鱿鱼、帆立贝、虾同鳗鱼，真系食多两转都够回本啦！生蚝同帆立贝都好新鲜，大大只，点埋酱汁真系好鲜甜。虾虽然系冰鲜，但系食落去都好有虾味；而烤鱿鱼就最麻烦，因为真系好痴镬，虽然好食，但烤鱿鱼就换咗2次镬。鳗鱼只要轻轻烤热，加埋鳗鱼汁，正呀！
生蚝
13 浏览
0 赞好
0 留言
虾
12 浏览
0 赞好
0 留言
帆立贝
15 浏览
0 赞好
0 留言
烤鲍鱼：Extra叫嘅鲍鱼，一碟4只，半只手掌咁大，加埋芝士一齐烧。鲍鱼好新鲜好腍身！$98有4只鲍鱼，抵呀！
烤鲍鱼
10 浏览
0 赞好
0 留言
烤大虾：夹住牛油嘅4只大虾上枱，成只手掌咁大！虾身好弹牙好鲜味呀！
烤大虾
8 浏览
0 赞好
0 留言
烤大虾
6 浏览
0 赞好
0 留言
烤大虾
9 浏览
0 赞好
0 留言
海鲜豆腐辣汤：最后，叫多咗个海鲜豆腐辣汤，韩式石锅上枱，够晒热辣辣之余，汤味又香又浓又辣，配料仲有蚬㗎！
除咗以上嘅推荐，仲有烤梅头肉、烤LA牛排骨都唔错㗎！下次想食韩烧，我会再拉M佬嚟Encore！
张贴
