影片
更多
2024-03-01
108 浏览
餐厅：安娣玛莱 (尖沙咀)地址：尖沙咀广东道3-27号海港城海运大厦地下G16号舖呢间重新装修再转型为主打马来西亚fusion菜式嘅安娣玛莱，大约3个月前喺海港城海运大厦重新同大家见面，佢哋今次仲请嚟马来西亚籍大厨👨🏼🍳，将既传统又带创新元素嘅马来西亚菜式一道一道咁呈现喺食客面前🇲🇾未行入餐厅已经见到一个巨型鸟笼座位，仲悬挂住一啲植物装饰🌸，加上用咗粉色系去布置餐厅环境，同埋餐厅内一幅巨型墙画，既有特色又好适合打卡留念📸坐低无耐店员先上咗壶花茶同前菜小食——迷你鱼酱虾米春卷，香脆可口嘅迷你春卷包住大厨用咗自家秘制参巴酱腌制嘅虾米馅料🦐，咸香滋味，一食就停唔到口🤪✝️蟹肉杂菜薄饼卷 $128用蟹肉同各种杂菜例如炸洋葱、生菜🥬、红萝卜丝🥕、莲藕等整成薄饼卷，虽然蟹肉香唔算好出，但馅料嘅丰富饱满，加上蘸埋花生碎同秘制辣酱，再加啲青柠汁𠮶种既清新又浓香嘅滋味真喺几值得一试，连埋炸虾米一齐食就再多一重香口「脆」味🤓✝️仁当牛面颊肉配烧肉松糯米饭卷 $268仁当喺一道辛辣嘅炖肉美食，香港人会叫做「巴东」，喺东南亚菜式入面相当出名，仲成为过世界第一美食🥇。呢款喺大马重要筵席常见嘅代表性美食，用咗椰浆同
地址：尖沙咀广东道3-27号海港城海运大厦地下G16号舖
呢间重新装修再转型为主打马来西亚fusion菜式嘅安娣玛莱，大约3个月前喺海港城海运大厦重新同大家见面，佢哋今次仲请嚟马来西亚籍大厨👨🏼🍳，将既传统又带创新元素嘅马来西亚菜式一道一道咁呈现喺食客面前🇲🇾
未行入餐厅已经见到一个巨型鸟笼座位，仲悬挂住一啲植物装饰🌸，加上用咗粉色系去布置餐厅环境，同埋餐厅内一幅巨型墙画，既有特色又好适合打卡留念📸
坐低无耐店员先上咗壶花茶同前菜小食——迷你鱼酱虾米春卷，香脆可口嘅迷你春卷包住大厨用咗自家秘制参巴酱腌制嘅虾米馅料🦐，咸香滋味，一食就停唔到口🤪
✝️蟹肉杂菜薄饼卷 $128
用蟹肉同各种杂菜例如炸洋葱、生菜🥬、红萝卜丝🥕、莲藕等整成薄饼卷，虽然蟹肉香唔算好出，
但馅料嘅丰富饱满，加上蘸埋花生碎同秘制辣酱，再加啲青柠汁𠮶种既清新又浓香嘅滋味真喺几值得一试，连埋炸虾米一齐食就再多一重香口「脆」味🤓
✝️仁当牛面颊肉配烧肉松糯米饭卷 $268
仁当喺一道辛辣嘅炖肉美食，香港人会叫做「巴东」，喺东南亚菜式入面相当出名，仲成为过世界第一美食🥇。呢款喺大马重要筵席常见嘅代表性美食，用咗椰浆同多款当地香料慢火炖制牛面颊肉而成，制法繁复而做到味道醇厚浓香，似糊状又带少少汁💦，
就咁食的确会比较浓味，但配埋烟韧嘅烧肉松糯米饭卷就既饱肚又易入口得多
✝️海南鸡镬仔饭 $368
将东南亚特色美食之一嘅海南鸡融入香港风味，呢个海南鸡镬仔饭喺我成餐最钟意嘅食物😍。先用南姜、香矛等食材煲香加咗腊肠、芋头同虾米喺当中嘅白饭，令每粒饭嘅香味都散发住食材嘅精华，
店员即场加入甜酱油、葱油等调味再轻轻捞匀，再将半只海南鸡放喺饭上高🐓，
滑嫩多肉嘅海南鸡配埋不可或缺嘅三色酱料，仲有不得不提嘅镬底饭焦，一试就会爱上🤤
✝️班兰咖椰多士 $58
用咗椰浆、椰糖、斑兰香油、鸡蛋等整成甜香惹味嘅咖椰酱，加上鲜香牛油🧈，配上香脆多士，一啖放入口都真喺几正，不过钟唔钟意食都见人见智，始终喺有啲heavy间唔中食一次就好😝
饮品叫咗个三色冰奶茶($48)同话梅蜂蜜梳打($48)，前者用咗椰糖、淡奶同马来西亚茶叶整成黑、白、啡嘅渐变层次🌱，除咗有港式奶茶嘅丝滑之外仲多咗阵阵椰香；后者清香得嚟够晒解渴，吮埋粒话梅仲有解腻作用添😌
张贴
