食口福 (已結業)

工作关系，嚟到石篱呢附近，据我表妹推介，佢话呢间餐厅嘅炸鸡髀饭好有惊喜，所以就特登入咗嚟试。餐厅唔算难揾，佢系一间开系路边嘅舖头，亦系一间比较旧式嘅自助型快餐店。当我见到店员拎出嚟嘅炸鸡髀，真系俾佢吓一吓，原来真系好大只！仲要炸到好金黄，睇见就想食！拎到返埋位品尝嘅时候，发觉鸡髀嘅皮好脆，入边啲鸡俾肉仲要好滑！餐后感：估唔到呢一间店仔竟然有咁好食嘅炸鸡髀！价钱仲要几实惠，大概$50左右就包埋汤同饮品，当然佢仲有其他嘢食啦，不过我相信下次嚟到都系会叫返呢个炸鸡髀餐。