影片
更多
2019-12-15
2650 浏览
作为美孚街坊咁多年，唔喺讲笑，小弟真喺未帮衬过「车轮饼小姐」，事缘开档初期，因各大媒体猛咁推，佢哋铺面又细，好几次经过都见到长长人龙，我就最怕排队，整整吓就无咗帮衬嘅念头。近日行完山返嚟，正想买啲蛋挞返屋企当下午，「多多」排长龙，过嚟「樱岛」啦，已经变咗「圣安娜」，见到「车轮饼小姐」无乜人，就改买车轮饼当下午茶。相信唔使小弟多介绍「车轮饼小姐」喇，知佢哋小小一间铺，一家人努力经营。高峰时，曾经要等上十多廿分钟先食得到，个个都喺新鲜出炉，虽然依家见佢哋都喺密密手制作，但一向贪新鲜嘅香港人嘅热情好快冷却，所以，就唔需要点等，大部分款式都制作好有存货，即买即有，只喺部份热门款式需要等吓。可惜喺变相食唔到新鲜出炉嘅货色，风味会打点折扣。是日嚟到嘅车轮饼口味就写晒晌一旁嘅黑板之上，有多达8款，都喺$12-$18一个。其实，单卖车轮饼相信都难以维生，所以，晌铺前嘅水牌，仲见到佢哋卖埋一啲中式糖水，晌冻柜内就放咗啲西式甜点。老婆钟意红豆，所以，就买咗款自家熬煮红豆口味俾佢，而难得见到有榴梿口味，当然要试一试啦。买得4-5个，就有胶盒包装，买得两个，地道啲，纸袋包装，然而，个纸袋都印咗「车轮饼小姐」个
相信唔使小弟多介绍「车轮饼小姐」喇，知佢哋小小一间铺，一家人努力经营。高峰时，曾经要等上十多廿分钟先食得到，个个都喺新鲜出炉，虽然依家见佢哋都喺密密手制作，但一向贪新鲜嘅香港人嘅热情好快冷却，所以，就唔需要点等，大部分款式都制作好有存货，即买即有，只喺部份热门款式需要等吓。可惜喺变相食唔到新鲜出炉嘅货色，风味会打点折扣。
是日嚟到嘅车轮饼口味就写晒晌一旁嘅黑板之上，有多达8款，都喺$12-$18一个。其实，单卖车轮饼相信都难以维生，所以，晌铺前嘅水牌，仲见到佢哋卖埋一啲中式糖水，晌冻柜内就放咗啲西式甜点。
老婆钟意红豆，所以，就买咗款自家熬煮红豆口味俾佢，而难得见到有榴梿口味，当然要试一试啦。买得4-5个，就有胶盒包装，买得两个，地道啲，纸袋包装，然而，个纸袋都印咗「车轮饼小姐」个唛头架。
自家熬煮红豆车轮饼 $12始终唔喺新鲜出炉，又唔喺即食，车身嘅软熟度喺差少少，但仍不失蛋香。里面填满厚厚嘅红豆馅，炒得软糯清甜，又起晒沙，货真价实，喺唔错。
马来西亚D24榴梿车轮饼 $18近年，马来西亚啲榴梿好受欢迎，亦有唔少甜品就以此入馔。一切开，啲榴梿味已经涌出嚟，入口柔滑香甜，榴梿𠮶种独有嘅幽香味十分浓郁，无欺场。
虽然，香港人𠮶份贪新鲜嘅热情冷却咗啲，但当日所见，都仍有唔少人帮衬，正所谓有麝自然香，最紧要保持好品质，唔怕无翻头客嘅。再者，感受到小店默默耕耘，更加要支持吓啦！
张贴
