影片
更多
2011-12-30
27 浏览
我好钟意食羊肉 以呢间大漠一直系我既wish list入边排系几高既位置 是晚同F兄食饭聚旧正好可以黎呢一度一试餐厅门面唔系太 ‘新疆’但一入到去原来别有洞天~内里灯光比较暗 播放好有民族feel既音乐 同埋所有waiter都系外藉人士(虽然呢间卖新疆野食 但睇落似系印印~) 总之感觉几有外地feel啦我地一早book左位7:00 准时去到 个时得一台客人 但出发现2/3既台已经有张纸仔写住reserve左 20分钟之后(7:20)全场漓座….好在F兄有先见之名 个日系星期四但都系好旺场 大家去食记得要book位呀~!btw个menu系布造的 几有特色~讲番野食我地其实花多眼乱唔知食咩好 同埋见价钱都几贵 见佢有套餐㖞 决定就食吓佢个二人餐啦一共有两个二人餐供选择 一个多啲羊 一个冇咁多我地选择左多几味羊肉既’二人A餐’($278)个餐包括7个courses 可能因为呢啲系standard野 我地落左单冇耐 真系超快唔洗5分钟就开始上菜 我同F兄都好惊讶 原本有啲担心上菜上得咁快会唔会因为一早正好已变冻哂唔好食呢!幸好~呢件事只系系我地既内心发生左XD 实际上所有热食既温度都好够热~同
餐厅门面唔系太 ‘新疆’但一入到去原来别有洞天~
内里灯光比较暗 播放好有民族feel既音乐 同埋所有waiter都系外藉人士
(虽然呢间卖新疆野食 但睇落似系印印~) 总之感觉几有外地feel啦
我地一早book左位7:00 准时去到 个时得一台客人 但出发现2/3既台已经有张纸仔写住reserve左 20分钟之后(7:20)全场漓座….好在F兄有先见之名 个日系星期四但都系好旺场 大家去食记得要book位呀~!
btw个menu系布造的 几有特色~
讲番野食
我地其实花多眼乱唔知食咩好 同埋见价钱都几贵 见佢有套餐㖞 决定就食吓佢个二人餐啦
一共有两个二人餐供选择 一个多啲羊 一个冇咁多
我地选择左多几味羊肉既’二人A餐’($278)
个餐包括7个courses 可能因为呢啲系standard野 我地落左单冇耐 真系超快唔洗5分钟就开始上菜 我同F兄都好惊讶 原本有啲担心上菜上得咁快会唔会因为一早正好已变冻哂唔好食呢!
幸好~呢件事只系系我地既内心发生左XD 实际上所有热食既温度都好够热~
同埋我见大门口有推介新疆黑啤所以我地都叫左一支黎饮 觉得同普通啤酒冇咩大分别 但卖三十五蚊 唔值得
凉拌豆腐: 拌料有红萝卜丝,花生,提子干,少少芫茜同埋甜酱油
豆腐与酱油之间用一片生菜分隔开 匆得啲豆腐太过浓味 几有心思的
啲豆腐都够冻的 作为前菜冷盘做得唔错 唔系主角 OK啦~
清真羊肉粉丝汤:个汤其貌不扬 但其实羊酥系超级浓郁!讲你可能都唔信 呢个汤既羊酥味竟然系全晚七个菜入边最劲最重既一味!!!!!!
既然佢咁酥 啲汤料固然有唔少羊肉啦~同时亦有些红萝白丝,冬菇丝同埋葱花
够大碗又暖粒粒 出边天气寒冷 饮一啖羊肉汤立即全身暖哂~~正呀!!!
呢个真系意外惊喜~
蜂蜜炒紫椰菜:呢个炒菜落左好多花生同提子干 好似之前个凉拌豆腐 当然唔少得蜂蜜啦
见台台都有食 我谂呢个炒菜都系招牌菜之一了
F兄认为呢个菜太甜 食落怪怪地 但可能因为我好甜啦 我又觉得唔错㖞
大漠羊松手抓卷:呢个卷物几特别㖞 出边好少有得食羊肉松既手卷: 上台个时重系热腾腾的
共有三个卷 真系其奇怪明明我地食二人餐但居然比三个我地 呵呵! 最后我食多一旧~
啲馅料冇咩‘花神’叫得佢羊松卷就系得羊松!(其实都有少少西生菜装饰)
虽然个SIZE系细左啲 约只有平时日本手卷一半既长度 但肉松比得绝不手软~
整个卷充满哂粒粒羊松 一啖咬落去绝对会食到一台都系~ 系食到乱七八糟既美食啰xdxd
高汤烩阿魏菇:冇卖相 唔特别 唔明同新疆有咩关系 只系间场用….
孜然香酥羊肋排:呢个绝对系今餐既主主菜!!!因为四旧羊肋骨份量都几大的 闻落好有香料味 但同样唔太酥 咬一口 外层够香脆同时有好浓烈既香料味道 内层散发著羊肉既酥味 两屠肉之间既油脂令较干既烤羊肉更香口!
重申多次 呢个羊肋排既味道系七分香草三分羊酥 就算唔太食到酥味既朋友相信都接受到
呢个羊肋排系我同埋F兄都大赞既美食 对于爱羊之人既我 一定比佢唔错既分数啦
不过~ 尢于我食得到酥味 所以呢个羊肋排若可以再重啲羊味就会更吸引我喇
羊奶冻:相信系呢到既名物之一 见openrice好多朋友都有食呢个
好多人赞呢个奶冻好食
但我就认为普通左啲因为
第一 佢叫做羊奶冻但跟本冇羊味
第二 太甜了 好似食白糖糕咁
总结就系 好好食 好想快啲再黎食! 见到其他食评好似肥羊叉烧同埋哈蜜瓜炸牛腩都好正 XDXD 但系我得承认食物价钱较贵 相信要有人生日or大时大节先有机会再黎lu~
张贴
