影片
更多
2022-07-19
3268 浏览
前几日同朋友行完山出返油塘鬼咁肚饿，就决定喺大本型开餐医医肚先~同行朋友系健康人士，但我又想食啲香口嘢㖞，真系好难揾餐厅 <(｀^´)>竟然俾我哋喺天台揾到间啱晒大家口味嘅餐厅！餐厅标榜无添加无味精仲要用自家有机菜，讲到咁就当然要去一探究竟啦！-天气咁好就紧系要吸收下维他命C啦 (´∀`) 所以同朋友仔选择咗坐户外餐厅行半自助模式嘅，出面嘅自助吧有饭、有汤、有咖啡、自家制嘢饮同埋沙律菜拎同行朋友一定听到有沙律菜任拎就即刻心心眼，拣完食乜嘢落完单就即刻冲咗出去 o(-`д´- ｡)出到去发现沙律吧嘅选项唔算多，有红生菜、红腰豆、大大粒嘅车厘茄同埋粟米，不过都睇得出啲菜好新鲜，咬落口非常爽脆嘅，仲好甜添~嘢饮我就拎咗杯冻嘅柠檬水，朋友就拎咗杯黑蚊蚊嘅嘢，佢仲笑我唔识嘢原来系餐厅啲老友记侍应自家煲嘅罗汉果茶，出面无乜餐厅有，饮完可以清热解暑，最啱行完山饮返几杯~眼见仲有汤水同莲子粥可以拣，啱晒啲养生人士，我同朋友仔就无试了，下次一定会试返！-同朋友倾咗阵偈就有得食lu~我哋两个人叫咗两个小菜同埋一碟炒河，一上枱就俾个分量吓亲 Σ( ° △ °|||)作为煎炸嘢爱好者同埋田鸡控
115 浏览
0 赞好
0 留言
同行朋友系健康人士，但我又想食啲香口嘢㖞，真系好难揾餐厅 <(｀^´)>
竟然俾我哋喺天台揾到间啱晒大家口味嘅餐厅！餐厅标榜无添加无味精仲要用自家有机菜，讲到咁就当然要去一探究竟啦！
-
天气咁好就紧系要吸收下维他命C啦 (´∀`) 所以同朋友仔选择咗坐户外
餐厅行半自助模式嘅，出面嘅自助吧有饭、有汤、有咖啡、自家制嘢饮同埋沙律菜拎
同行朋友一定听到有沙律菜任拎就即刻心心眼，拣完食乜嘢落完单就即刻冲咗出去 o(-`д´- ｡)
出到去发现沙律吧嘅选项唔算多，有红生菜、红腰豆、大大粒嘅车厘茄同埋粟米，不过都睇得出啲菜好新鲜，咬落口非常爽脆嘅，仲好甜添~
嘢饮我就拎咗杯冻嘅柠檬水，朋友就拎咗杯黑蚊蚊嘅嘢，佢仲笑我唔识嘢
原来系餐厅啲老友记侍应自家煲嘅罗汉果茶，出面无乜餐厅有，饮完可以清热解暑，最啱行完山饮返几杯~眼见仲有汤水同莲子粥可以拣，啱晒啲养生人士，我同朋友仔就无试了，下次一定会试返！
-
同朋友倾咗阵偈就有得食lu~
我哋两个人叫咗两个小菜同埋一碟炒河，一上枱就俾个分量吓亲 Σ( ° △ °|||)
作为煎炸嘢爱好者同埋田鸡控，一睇menu就俾个椒盐田鸡腿几只字吸引咗
有机香叶椒盐田鸡腿
64 浏览
0 赞好
0 留言
有机香叶椒盐田鸡腿
田鸡腿大大只啖啖肉，一啲腥味都无，个炸浆唔会过厚，炸得啱啱好金黄色，一啲都唔觉得油腻，连同行嘅健康人士都大赞好味~
凉瓜炒无激素鸡蛋
71 浏览
0 赞好
0 留言
凉瓜炒无激素鸡蛋
天时暑热最啱食苦瓜下下火，虽然我听见就怕怕，但朋友点名要试，佢话煮得好食唔苦㗎！好啦就信佢一次，咦又真系唔苦，食落有少少甘味又有少少甜味，加埋啲炒得啱啱好嘅鸡蛋又几好食㖞~
菜远炒牛肉河粉
63 浏览
1 赞好
0 留言
镬气十足嘅港式小炒，牛肉片够厚身，炒到微微焦香，入口唔老，炒河条条分明唔会痴埋一嚿嚿，唔错唔错~
-
总括嚟讲，今次用餐体验都几唔错，老友记侍应们都好热心有礼，嘢食质素都唔错 ｡^‿^｡而且环境好好，有得坐喺室外打吓卡，呼吸吓新鲜空气，而且仲有风机吹住，都算几舒服~下次晏啲嚟仲可以睇住日落食饭添
张贴
