碗盛 (已結業)

铜锣湾/天后清风街有唔少好嘢食，今日我就同朋友去咗新开无耐，好高人气嘅碗盛。碗盛喺一间日式居酒屋，有卡座、单边位，仲有塌塌米箱房。座位间距宽敞，而且灯光柔和，气氛格调真系好啱约埋三五知己把酒谈心。去得居酒屋，就当然会饮下清酒啦。碗盛就做紧期间限定嘅清酒Combo set，$188有3 shot 100ml 嘅清酒。碗盛分别拣咗神藏、望、同雁木依三款清酒。神藏：味道甜，果香浓。食嘢前同配枝豆、水云渍都好合适。望：都系一款甜味嘅清酒。配合前菜、沙律或者冷盘都唔错。雁木：属于辛口嘅清酒，相对爽身。建议配搭串烧、炸物等比较浓味嘅食物。冲绳水云渍，水云系一种海藻，拥有独特的黏滑口感。 而冲绳水云较肥厚口感佳，低卡路里，配搭姜蓉食用，味道清爽。炒枝豆，绝对系佐酒小食。碗盛用咗黑蒜油同牛油炒，令枝豆味更加香浓可口。杂锦天妇罗，日本料理炸物之中最喜爱嘅食物嚟。杂锦天妇罗有海虾、茄子、蕃薯、香菇。炸浆够薄够脆。配合清酒饮十分之正。去得居酒屋，当然要食串烧，烧白鳝、紫苏芥末猪五花腩、鸡颈肉、都系我个人推介。而另一款推介就系免治鸡肉棒，配合月见蛋酱油，当当惹味。去日本食嘢，去完居酒屋饮饱食醉后，通常会去埋拉