COMEBUY (裝修中)

今日同朋友行行吓街，覺得口渴，於是就見到呢一間COMEBUY。鋪面設計幾明亮簡潔。今次我哋就叫咗兩杯嘢飲，一杯係蘋果冰茶，另一杯就係最近佢哋做緊推廣嘅海神奶茶。一杯邪惡一杯健康。🤣蘋果冰茶我哋就叫咗微糖，飲落去好清新，一啲都唔會過甜而且帶小小嘅酸味，飲落好平衡。同埋蘋果味有之餘亦都唔會冚過個茶味，屬於清新解渴之選。另外蘋果冰茶入邊亦都有一啲果肉同埋寒天晶球，增加咗口感飲起上嚟有咬口，唔錯。而另外嗰杯海神奶茶我哋就叫咗佢推介嘅粉條，同普通奶茶唔一樣，海神奶茶其實係獨特嘅日本煎茶調製嘅奶茶，飲落口煎茶味都突出，好特別。我哋呢杯都係叫咗微糖，所以唔會好甜，同埋特別之處係有陣陣嘅蜂蜜味飲落好清香。而我哋跟隨建議加入嘅粉條咬口煙靭，好好咬，同杯奶茶好夾，為奶茶增加咗口感。今次發掘嘅茶飲店都好唔錯，下次我會想試吓其他嘅飲品，我見到佢其中雙q奶茶都好多人買，下次會試吓😛