酒屋一杯喜

营业中

休息中

小编就快去日本，未出发先兴奋，决定去清风街新开一间居酒屋食个晚饭。有得拣坐室内、室外或吧台。室内最特别系有个投影机影住日本城市街景，令各位彷佛真置身响日本闹市中。🫛黑松露枝豆 $78浓郁嘅黑松露味枝豆，真心送酒一流，等主食黎前记得配住生啤一粒一啖🥗白松露油吞拿鱼薯仔沙律 $78送上时已闻到好香白松露香味，松软嘅薯茸沙律夹杂吞拿鱼，口感丰富又开胃🍣刺身盛合 $268 5 款刺身（赤海虾，带子，八爪鱼，池鱼，鲷鱼）全部都好新鲜同甜美🍖鸡全翼 $68睇上去已见烧得好脆身，咬落去的确又香又脆，鸡翼控必试🍗鸡胸软骨 $38唔常见嘅单品，就系鸡胸果块软骨肉，骨肉相连，咬感特别亦好味，小编大推！🥩厚切牛舌 $58小编又一大爱，厚身嘅牛舌既爽又香口，送酒一流。🍢豆腐 $38豆腐亦都烧到刚刚好，外层脆卜卜、内层软身。🍜辛海老拉面 $168好丰富的收结，唔同海鲜（虾、带子、蚬）令到个辣汤好重海鲜味口感浓郁，加埋份量唔手软嘅拉面真系大满足🌶️🍄明太子炒杂菌 $68明太子突出嘅味道，配合杂菌爽口丰富嘅口感真系无得输。