影片
更多
2023-06-15
712 浏览
之前喺尖沙咀食六两三，夜晚闲闲哋都要排半个钟，而家终于进驻天后啦，住港岛嘅我唔使再过海食🥰 新分店有两幅好靓嘅壁画可以打卡，环境亦都较为干净企理同阔落，坐得舒服左，食物质素都有进步！半筋半肉牛肉面🥩$90 (🌟9/10)呢度嘅牛肉面汤底可以自己选择浓度，今次拣咗标准，浓淡得宜，汤底唔似坊间一啲好咸，落咗好多酱油嘅味道，而系食到淡淡的回甘嘅药材味，可能因为主打冇味精，所以饮埋啲汤都唔会觉得口渴！面条拣咗幼面，面质好幼细顺滑，牛肉同牛筋好入味好稔！钟意食牛筋嘅可以叫佢个净牛筋面，牛筋好出色，一定好好食！🫶🏻蕃茄汤面配炸花枝虾扒🍅$72 (🌟8.5/10)我好钟意佢个茄汤，真系用新鲜蕃茄黎煲，食到啖啖茄肉，个调味又啱啱好唔会过甜，呢款我配咗手工粗面，口感似乌冬爽口弹牙，另配嘅炸花枝虾扒炸到金黄色，外皮好够薄，花枝虾滑都几弹牙！卤肉饭🤎$32 (🌟9/10)绝对系超级CP值高之选！唔好睇佢细细碗，但啲珍珠米系装到满晒，一个女仔可能食唔晒添，比得够多汁食到最底都仲有汁，正！卤肉肥瘦平均，亦一啲都唔韧，肉香同油脂香同时喺口腔爆发，真系好岩香港人口味，必食🤞🏻皮蛋豆腐$48 (🌟7.5/10)酱汁系
半筋半肉牛肉面🥩
$90 (🌟9/10)
呢度嘅牛肉面汤底可以自己选择浓度，今次拣咗标准，浓淡得宜，汤底唔似坊间一啲好咸，落咗好多酱油嘅味道，而系食到淡淡的回甘嘅药材味，可能因为主打冇味精，所以饮埋啲汤都唔会觉得口渴！面条拣咗幼面，面质好幼细顺滑，牛肉同牛筋好入味好稔！钟意食牛筋嘅可以叫佢个净牛筋面，牛筋好出色，一定好好食！🫶🏻
蕃茄汤面配炸花枝虾扒🍅
$72 (🌟8.5/10)
我好钟意佢个茄汤，真系用新鲜蕃茄黎煲，食到啖啖茄肉，个调味又啱啱好唔会过甜，呢款我配咗手工粗面，口感似乌冬爽口弹牙，另配嘅炸花枝虾扒炸到金黄色，外皮好够薄，花枝虾滑都几弹牙！
卤肉饭🤎
$32 (🌟9/10)
绝对系超级CP值高之选！唔好睇佢细细碗，但啲珍珠米系装到满晒，一个女仔可能食唔晒添，比得够多汁食到最底都仲有汁，正！卤肉肥瘦平均，亦一啲都唔韧，肉香同油脂香同时喺口腔爆发，真系好岩香港人口味，必食🤞🏻
皮蛋豆腐
$48 (🌟7.5/10)
酱汁系灵魂所在，甜甜地捞落冰冻嘅滑豆腐食简直一流，仲有超级多木鱼碎！不过相比起卤肉饭嘅Cp值就真系高好多啦
胚芽咖啡☕️
$29 (🌟9/10)
呢个饮品真系超推荐！胚芽甜甜地带麦香嘅味道加埋沙沙地嘅口感绝对令人饮上瘾，配埋重奶香嘅咖啡，香滑而不苦涩，非常好饮🫶🏻🫶🏻🫶🏻 同埋我拣咗3分甜都已经几甜，建议唔好叫标准甜度~
茉香苹果🍎
$22 (🌟6/10)
虽然佢标榜无糖，但我觉得都几甜，同埋都系似香精味，胚芽咖啡较自然岩我口味～
总评：可能因为系新店，我觉得呢度嘅厨房好有心机煮，主菜样样都好食，每个细节位都照顾到，楼面员工都好亲切有礼貌，希望之后可以保持住呢个水准，自然会有回头客🫶🏻
张贴
