影片
更多
2024-11-24
237 浏览
近排天气转凉梗系要去打边炉暖吓身暖吓胃. 呢间天后楼上充满怀旧大排档气息嘅火锅店「叁不馆」超火热劲高人气，平日夜晚都爆，真系唔讲得笑. 呢度环境好啱打卡，坐得舒适，食物高质多选择而且不乏特别菜式. 餐牌以报纸形式呈现设计好有心思. 店员态度友善，好有心同我哋讲解最佳食用方法. 坐低店员先送上开胃小食有手拍车瓜同花生. 先来一渣竹蔗茅根海底椰，清凉鲜甜解渴. 如果饮酒嘅朋友而家仲做紧限时特价，只要赞好社交平台就可以享受一蚊一支啤酒优惠，$10有成10支咁多😱，一大班人去啤啤佢啱晒. 汤底同材料高质之余，酱料更加提升食物层次所以都好重要㗎. 呢度酱料有超过10款，葱蒜沙茶酱辣酱等等超级惹味，自家制葱头油不得不试令人一试爱上. ⭐️鸳鸯锅两个汤底分别拣咗🌹玫瑰花花药膳汤🌶️麻辣汤. 前者够特别又养生，除咗幽幽花香味仲有浓浓酒香够滋补，店员特别叮嘱落料之前先饮一碗汤暖胃,味道出色. 麻辣锅辣得出色有层次用嚟煮肉不得了. 值得一赞汤底打得耐再加汤都唔会淡味. ⭐️养生类大爱花胶、鲨鱼唇，入口满满骨胶原，啱晒女士. 呢两个真系唔系间间有得食. ⭐️海鲜苏格兰蛏子、日本扇贝啖啖肉，珊瑚蚌够爽口，海鲜款款
近排天气转凉梗系要去打边炉暖吓身暖吓胃. 呢间天后楼上充满怀旧大排档气息嘅火锅店「叁不馆」超火热劲高人气，平日夜晚都爆，真系唔讲得笑. 呢度环境好啱打卡，坐得舒适，食物高质多选择而且不乏特别菜式. 餐牌以报纸形式呈现设计好有心思. 店员态度友善，好有心同我哋讲解最佳食用方法.
坐低店员先送上开胃小食有手拍车瓜同花生. 先来一渣竹蔗茅根海底椰，清凉鲜甜解渴. 如果饮酒嘅朋友而家仲做紧限时特价，只要赞好社交平台就可以享受一蚊一支啤酒优惠，$10有成10支咁多😱，一大班人去啤啤佢啱晒. 汤底同材料高质之余，酱料更加提升食物层次所以都好重要㗎. 呢度酱料有超过10款，葱蒜沙茶酱辣酱等等超级惹味，自家制葱头油不得不试令人一试爱上.
⭐️鸳鸯锅
两个汤底分别拣咗🌹玫瑰花花药膳汤🌶️麻辣汤. 前者够特别又养生，除咗幽幽花香味仲有浓浓酒香够滋补，店员特别叮嘱落料之前先饮一碗汤暖胃,味道出色. 麻辣锅辣得出色有层次用嚟煮肉不得了. 值得一赞汤底打得耐再加汤都唔会淡味.
⭐️养生类
大爱花胶、鲨鱼唇，入口满满骨胶原，啱晒女士. 呢两个真系唔系间间有得食.
⭐️海鲜
苏格兰蛏子、日本扇贝啖啖肉，珊瑚蚌够爽口，海鲜款款新鲜鲜甜够高质.
⭐️肉类
🔥🐮牛魔王拼盘真系啱晒牛魔王，有六款不同部位各六片，有本地手切肥牛、牛颈脊、牛脷丶牛柳粒仲有牛板键，可惜是日未能供应. 但系餐厅会喺其余几款牛补返份量，果然够老实. 整体牛味十足肉质嫩滑. 🐑蒙古羊肉片香而不毡
⭐️手打五宝丸
一次过试晒五款丸抵食又满足. 虾丸、墨鱼丸、鲮鱼球丸、牛丸、贡丸，粒粒爽口弹牙真材实料.
⭐️ 杂菜拼盘
健康之选，份量大种类多. 有蕃茄、粟米、金菇、木耳、仲有多款时令新鲜蔬菜.
就嚟圣诞新年约朋友又多个好选择👍
张贴
