叁不館

营业中

休息中

今日去天后”叁不馆”打边炉，唔止舖名复古，一出䢂好似返咗80年代，霓虹光管，手撕式月历，墨宝墙，音乐播紧张国荣嘅有心人，入到店舖，一面墙贴着旭声戏院电影海报，另一边系传统牛肉档，配上传统折台，公鸡碗，保暖壶，竹篮等等，成个情景搭配已经好有feel，加上小妹妹店员有礼貌，介绍当日推介及汤底等等。值得一赞嘅系其中两款自家制火锅酱料1️⃣虾头油(超级无敌香，可惜冇得卖走)2️⃣沙嗲酱(配肉一流)莫生气椰椰鸡煲 $178 (超级推荐)首先加入整个椰青，煲滚先饮汤，再落鸡，汤底超清甜，足足饮咗两碗，鸡肉嫩滑。安格斯牛颈脊 $268肉味重，油脂丰富，份量颇多，好抵食。白鳝片 $98非常新鲜，肉质厚实有口感，大火烚一分钟，即夹即食，又嫩又滑。韭菜饺 $40韭菜味香浓，会想半肥瘦猪肉好食好食好食。招牌午餐肉饺 $40呢个有少少失望，食落完全冇午餐肉味道或感觉，只系一粒单纯好食嘅猪肉饺，云吞走虾嘅感觉。手打海中虾滑 $88份量偏多，虾味尚好，弹牙得太犀利，程度系有啲唔实在嘅感觉。