黑木亭居酒屋 (清風街) (已結業)

天后出名多野食，由街头行到街尾，次次都花多眼乱，唔知食咩好呢！今日M佬就话同我去居酒屋，食吓串烧，感受一吓日本嘅气氛。我哋就嚟到黑木亭居酒屋，餐厅地方唔大，墙身大大幅嘅壁画，加埋唔同嘅小摆设，都有几分大和风㗎。蟹将军薯仔沙律薯仔沙律有粒又有蓉，所以食落好有口感。加上有丝丝蟹肉同蟹籽，锦上添花，好有层次。广岛蚝广岛蚝串烧都系第一次食，烧嘅时间控制得好好，非常鲜甜。免治鸡肉棒免治鸡肉加鸡软骨嘅配搭，口感好丰富。酱汁当然系蛋黄汁配豉油，同免治鸡肉棒好match。白鳝鳝肉烧到块皮脆卜卜，鱼肉无骨，无腥涩，正。鸳鸯翠玉瓜翠玉瓜就咁烧就食过，但呢度加上蒜蓉同明太子再烧，好特别有心思，有惊喜！烧鸡翼鸡翼腌得入味，烧到个皮够干脆，keep到肉汁，好juicy。厚烧牛舌牛舌嘅牛味香浓，加少少盐吊味，味道已经够出。京葱鸡肉串 呢个串烧嘅主角就梗系唔系鸡肉啦，因为京葱真系好好味㗎！葱味香浓，味道带甜，配埋鸡肉一齐食就最夹。脆烧豆腐外脆内绵，估唔到豆腐都可以咁好味。明太子酱烧饭团饭团烧到外层脆身，钟意食饭焦就一定要试喇。饭团上面铺满明太子酱，加埋紫菜，好惹味。（记住Like同Share畀朋友）