酒屋一杯喜

营业中

休息中

天后清风街一向系揾食好去处，唔少人会嚟呢度聚会食宵夜，啤一啤🍻最近就新开一间居酒屋－酒屋一杯喜，分开半室外、室内以及吧台位置。有投影机播住日本风影片，加上座无虚席好热闹嘅气氛，真系有啲去咗日本嘅感觉🇯🇵全晚见店员不停来回斟满大大杯日本啤。三文鱼冰头渍第一次见用三文鱼头做成渍物，爽口嘅口感加上酸酸咪咪嘅味道，清新开胃😙😙刺身盛合5点有帆立贝、𫠒红鱼、银雪鱼、三文鱼同牡丹虾，每款都既厚切又新鲜😋牡丹虾非常爽弹，银雪鱼口感较紧实，而𫠒红鱼带点黏口，都唔错👍🏻川海老唐扬好特别嘅小食，将虾仔🦐以唐扬手法炸到脆卜卜，唧上柠檬汁食，忍唔住系咁食😆鸡皮、鸡软骨、紫苏鸡皮虾卷、自家制月见鸡肉棒🍢串烧类选择颇丰富，鸡皮同鸡软骨烧得香口，食落索索声；鸡皮虾卷食到紫苏叶香味几特别。鸡肉棒口感软滑，沾上带甜味嘅蛋汁，经典却好食嘅配搭😛😛鸡肉丸野菜锅冬天食返个锅物暖笠笠🔥鸡肉丸子好软滑，加上野菜、豆腐、薯粉，汤汁清甜得饮落去好舒服。神秘炒饭厨师发办嘅炒饭，睇下厨师当日用咩材料，真系够晒神秘😎😎呢日我就食到叉烧炒饭，炒饭粒粒分明够干身，炒得好香口，叉烧大大粒肉质软腍，份量都几多👏🏻苦瓜炒蛋最后要清一清味蕾，香甜嘅酱