甜姨姨私房甜品 (清風街)

营业中

休息中

最近去咗天后甜姨姨食tea，估唔到港式甜品都可以有惊喜。首先系佢哋嘅即撞木桶豆腐花，真系即叫即整，香滑到不得了，豆香味好浓，唔需要加糖已经好好食。六小宝怀旧小食盘，有三色啫哩，味道唔错，仲有酱油溏心蛋，健康又好食，几值得一试。脏脏朱古力迷你牛角窝夫用咗大量朱古力粉，满足朱古力控。炸烧卖都几特别，之前未食过。椒盐鸡粒同司华力肠都好惹味，搭配埋一齐食好开心。餐饮芝麻豆腐杯，味道似芝麻糊豆腐花，口感就似smoothie 够哂厚实，消暑又好饮。最后叫咗芒果大合奏，有芒果肉、芒果干、芒果汁、芒果布甸同埋芒果雪糕，每一啖都可以试到唔同芒果甜品嘅combo。有咁多芒果产品，简直完全满足我对芒果嘅欲望。