壹燒鵝 (興裕大廈) (已結業)

一烧鹅位于天后永兴街， 舖头唔算好大， 但系有两层， 下低𠮶层有一半系厨房 ， 有咩烧味卖都一目了然。 格局好似cafe嘅格局，有咕臣有卡位坐得舒服 ，而行上一层， 空间更大 仲可以当做party room。 来得壹烧鹅，标准指定菜式就梗系食烧鹅。 一个烧鹅双拼饭烧鹅拼烧肉， 卖50蚊喺天后嚟讲非常ok，因为烧鹅喺自家厨房烧出嚟， 唔留过夜，卖咁多烧几多。 烧鹅都几高质素，外皮深红裤光泽， 肉味浓而且嫩滑都够肉汁。 烧肉五花腩肥瘦层层相间， 唔会太肥，油脂喺入面爆出嚟， 烧肉皮咬落酥脆有油香。 瑞士鸡翼煎双蛋叉烧饭 另一个饭叫咗瑞士鸡翼煎双蛋叉烧饭。 煎蛋蛋白㶶而蛋黄半熟流心， 笃蛋黄𠮶一刻 啲蛋黄猛咁流出来， 捞饭就最好食。 瑞士鸡翼卤得入味， 叉烧 肥瘦刚刚好， 带肉香，好食。 顺带一提，白饭煮得好靓仔， 整餐饭虽然简单，却是价真价实。 用餐时，老板刚好在餐厅， 与食客有倾有讲， 有咩好食 ，有边度做得唔好，都可以同老板讲， 小店虽小，但系却有满满嘅人情味。