御名軒

营业中

休息中

请长辈食饭又要兼顾荷包，食海鲜大餐就岩晒，咁当然唔系传统食海鲜嘅地方，我嘅首选一定系酒楼。今次食嘅系位于天后嘅御名轩，就脚又抵食！- 虾球芝士炒蛋白：虾球大大只，爽口有虾味，蛋白超级超级多，大大碟，滋补养颜。成功打响海鲜餐头炮，长辈已经开始好满意- 陈皮蒸大连鲍鱼（半打）：海鲜餐唔可以冇鲍鱼啦，陈皮蒸更系经典，加埋特配鼓油，绝。仲要两个人食半打，每只都半只手板咁大，呢餐真系食鲍鱼都食饱- 蒜蓉粉丝蒸苏格兰蛏子皇：就仲夸张，成只手板咁长，多肉，鲜味，蒜蓉粉丝极多，酒楼调味一流，真系正- 沙巴龙趸：完美嘅海鲜餐当然有条靓鱼，肉嫩又滑，又不失爽口，鼓油咸中带甜，非常美味。龙趸大概一斤，2个人食正合适，食完饱到上心口，大满足对比传统食海鲜嘅地方，酒楼海鲜更加老实，又可以舒舒服服坐一晚，更加享受。埋单先6百蚊多少少。诚意推介！