九町屋

营业中

休息中

九町屋今日要介绍喺天后山河大厦地下每一间日本菜餐厅叫「九町屋」，我未入去餐厅之前，已经留意到佢哋已经喺门口放咗一块胶斜板，本身门口系有一级，老板真系好细心，招呼不同类别嘅顾客需要，正正就系我想要嘅无障碍要求！1.咖哩唐扬鸡饭+手打蜂蜜柠檬水$58（8.5/10）呢间餐厅午市套餐系包埋饮品，主食拣咗咖哩唐扬鸡饭，咖哩系偏向日式咖哩甜甜地，唐扬鸡都有大约10旧，饮品就拣咗手打蜂蜜柠檬水，不过饮品个名应该写错咗，唔系手打蜂蜜柠檬水，应该系手打蜂蜜柠七，入面坚系劲多气，搞到唔系我想要果杯手打蜂蜜柠檬水！2.牛肉寿喜锅（配米饭）+芒果绿茶$69（9/10）呢间餐厅午市套餐系包埋饮品，主食拣咗牛肉寿喜锅，牛肉都有大约5片，寿喜锅个汤底有少少甜甜地，其他配菜有娃娃菜、豆卜、粉丝同金针菇等，仲配埋饭，饮品就拣咗芒果绿茶，两者加埋个味道有少少怪怪地，芒果味唔觉有，绿茶亦都唔觉有，可能两个味道加埋就系咁嘅味道！3.酱烧鸡扒$33（10/10）呢个酱烧鸡扒好好食，鸡扒肉质好嫩滑，鸡扒上面搽咗甜甜地嘅酱汁，一共有4旧酱烧鸡扒，旁边仲有沙律菜同蕃茄仔，小食嚟讲真系必叫之选！4.辛味鸡翼（3只）$39（10/10