六両三 (鉅利大廈) (已結業)

星期日屋企唔煮饭仲win咗马仔😆所以我地去咗天后揾野食，屋企人提议不如食台湾野，即刻上OpenRice search到「六両三」，小店楼底高干净企理，价钱又抵食，今晚一于就试下佢😋三宝牛肉面加糖心蛋呢度嘅汤底、面条可以根据自己嘅口味选择，一上枱饮啖汤先，味道咸淡适中，带有微微嘅辣味，面质烟烟韧韧有咬口，三宝包括咗牛腱、牛筋同牛肋条，牛腱同牛肋条等得非常软腍入味，牛根粗身大大条，又滑又腍身，糖心蛋香滑流心，我将佢加入卤肉饭一齐食，蛋黄汁捞饭味道一流👍🏻牛肉面材料丰富味道香浓，正宗台式味道牛筋牛肋条面加卤蛋卤蛋够入味，牛筋同牛肋条一样做得非常出色，啖啖肉满满一大碗，面入面仲加咗油麦菜，碧绿爽脆，我同屋企人连汤都饮晒😆卤肉饭推介👍🏻可以根据自己嘅喜好选择饭量同酱汁嘅多少，卤肉嘅份量非常多，半肥瘦但肥而不腻，每啖饭都裹满卤肉汁，加埋只糖心蛋味道一流古早味厚切排骨推介👍🏻即叫即炸热辣辣，外面炸得脆脆地，肉质够松软，洒上椒盐粉更加香口惹味麻辣鸭血豆腐台湾香肠嗌牛肉面就可以以优惠价加配小食，鸭肉滑嘟啫豆腐就吸满麻辣汤汁，好食👍🏻台湾肠配蒜片零舍香口，蒜味十足小黑糖珍珠奶茶泡沫红茶饮品亦可以根据自己口