延

营业中

休息中

虽然唔系成日见，但每年都会同好朋友过生日💜今年就拣咗天后嘅「延Nobe」同佢食生日饭，本身想嗌鳕场蟹餐，但今晚蟹冇货😭所以我地就拣咗活龙虾同活鲍鱼餐各一share食😋我地再追加多只濑尿虾，成只手臂咁长，一餐好丰富嘅海鲜铁板烧🉐前菜汁煮萝卜牛腩，萝卜清甜牛腩炖得软稔入味，有惊喜温室野菜沙律沙律菜新鲜爽脆，配搭酸汁零舍开胃澳洲活鲍鱼/ 活龙虾黑鲍鱼超大只，仲大过一个拳头，质感软稔，鲍鱼味浓郁，以牛油盐同黑椒轻轻调味，更能突出鲍鱼原有嘅鲜味龙虾上枱时仲系郁紧架，非常新鲜，肉质弹牙，配上龙虾膏酱去烹调，味道浓郁之余仲提升嘅龙虾嘅鲜味北海道帆立贝上枱时下面会有个炉仔热住佢，帆立贝厚肉鲜甜，加入海带汤汁更能增添贝类嘅鲜味，记得一定要饮晒个汤，又鲜又甜白甘鲷立鳞烧鱼皮烧得金黄色脆卜卜，鱼肉厚身结实，食落啖啖肉，底下配有软滑香棉嘅薯蓉，吸收咗鱼油嘅香味，好食海参配明太子/ 日本响螺海参系普遍铁板烧比较少见嘅一道菜，滑溜嘅海参配上明太子酱，冇腥味之余仲食到咸鲜嘅味道响螺口感爽脆，只需洒上盐同黑椒调味，更加能食得出响螺嘅咸鲜味道追加：濑尿虾、清酒煮蚬拣咗只有膏嘅濑尿虾，可惜今次嘅濑尿虾有啲失准，肉质有啲松