金子半之助 (利東街)

营业中

休息中

星期二三同老公放假，所以星期一晚唔驶煮饭带饭，我仲唔把握机会去食我想食既餐厅。呢间专门食天妇罗丼饭，我想食好耐架啦。江戸前天丼内容物有穴子、海老、小柱鱿鱼天妇罗饼、温泉蛋、海苔、荚豌豆。用上日本特制高级胡麻油，由胡麻油制成既天妇罗闻落特别香，色泽亦会比较深。天丼淋上古早秘传酱汁，天妇罗唔算脆口。天丼即叫即整，上枱热辣辣。穴子天妇罗目测有30cm，劲长，肉质食落肥美又软滑。食到一半笃穿温泉蛋，蛋黄流晒出黎捞珍珠饭食，正。江戸前天丼跟左味噌汤同渍物，味噌汤好饮，好正宗。迷你天丼&稻庭乌冬(冷)迷你天丼有菇菌、海老、南瓜、海苔、荚豌豆、温泉蛋。菇菌好爽脆，整成天妇罗好惊喜。稻庭乌冬超级好食，整成扁长又幼身既乌冬，好滑身又弹牙，好回味。另外追加左赤甘鲷，呢个唔系跟饭，所以好脆口，热辣辣，鱼肉又嫩滑，好味。